Luka 18:37 - Chipangano Chabwangu

³⁷ Bamwebele ati, “Ni Yesu waku Nasaleti akopita.”

Luka 18:37 ပူးပေါင်းရင်းမြစ်များ

Mateyo 2:23

Nkulya kwenka ayikele mumushi wa Nasaleti, ukuti chifikilishiwe ichasoselwe nabasoseshi ati, “Akwitwa umwina Nasaleti.”

Luka 18:36

Pakumfwa ibumba lyabantu lyalikupita, impofu yalifumbile ati, “Chindo chiliko?”

Luka 18:38

Elo yabilikishe ati, “Yesu! We Mwana Davide! Nkwatileni inkumbu!”

Luka 2:51

Elo Yesu nomba ayile nabo ku Nasaleti uko alikwikala nokubomfwila. Banyina balisungile mumutima wabo fyonse ifyasosekelwe.

Yohane 1:45

Filipo naye asangile Natanayeli nokumweba ati, “Twamusanga uwo Mosesi alembele mwibuku lya Mafunde, nabasoseshi nabo balimulembele. Ni Yesu waku Nasaleti, mwana Yosefe.”

Yohane 19:19

Pilato alilembelepo ichishibilo nokuchibika pamutashi waku Yesu. Palembelwe ati, “Yesu waku Nasaleti, Imfumu ya Bayuda.”

Imilimo ya batumwa 2:22

“Mwe bena Isilaeli bananji, umfweni amashiwi anji. Yesu waku Nasaleti ali muntu uwo Lesa abweneshe ukuti eye asala. Nchi achibweneshe ukupitila mufiso ifikulu ifyakushimbwisha nefishibilo ifyo Lesa achitile muli Ye. Nokwishiba mwebene mwalishiba pantu fyalikuchitika pali mwebo.

Imilimo ya batumwa 4:10

Mwebo bonse mwishibe pamo nabena Isilaeli ukuti ngu umwalalume uwimakene mpano alipolele pamulandu wafiso fyaku Yesu Klistu uwaku Nasaleti. Enka ngulya mwasamike pamutashi, kuntu Lesa alimubushishe kubafwa.

2 Kolinto 6:2

Pakuba Lesa alisosele ati, “Panshita yabwanshi bwanji, nalikumfwile, pakasuba kakupulusha nalikwafwilishe.” Umfweni, nji enshita ilingile iyo Lesa akochitila ubwanshi abantu. Nkano ekasuba kakupuluka.