Luka 18:23 - Chipangano Chabwangu

²³ Umusambashi pakumfwa mfi, abele nechikonko ichikulu pantu ali nobuboni ubwinji ukwinekantu.

Luka 18:23 ပူးပေါင်းရင်းမြစ်များ

Mateyo 19:22

Ulo umulumbwana ngu aumfwile mfi, ichinso chakwe chalifitile. Epo ayile nechinkonko pantu ali nobuboni ubwinji ukwinekantu.

Maliko 10:22

Ulo aumfwile nga mashiwi, ichinso chakwe chalifitilwe, epo ayile nechikonko pantu ali nobuboni ubwinji ukwinekantu.

Luka 12:15

Epo Yesu alipitilile ukusosa kuli bonse ati, “Chenjeleni, elo muyitalamushe kufyalunkumbwa fyonse, pantu ubumi bwamuntu tabusangwapo mufintu akwata, nangu abe nobuboni ubwinji.”

Luka 18:22

Ulo Yesu aumfwile mfi, asosele kuli ye ati, “Eko chili ichintu chimo ichikofwayikwa ukuti uchite. Koya ukashitishe ifintu fyonse ifyo wakwata. Indalama wakusangamo, ukashipele kubachula, elo wakwisa kuba nobuboni kumulu. Epo wakwisa kunkonka.”

Luka 18:24

Yesu alimuloleshe nokusosa ati, “Chaliba ichakosa kubantu abali nobuboni ukwinjila Mubufumu bwaku Lesa!

Luka 19:8

Naye Sakeyo alimine nokusosa kuli Bashikulu ati, “Umfweni, mwe Mfumu! Nakupela ichipande chabuboni bwanji. Fimbi mpeleko abachula, nakambi kati nalichenjelekapo umuntu uuli onse, nakumubweseshapo ukuchila imiku ine.”

Luka 21:34

“Ikaleni abayibukila! Muyiposa mukulya namukukolwa namumasakamiko yaku mbuno bumi, ichakuti nkalya kasuba keyisa kumupumikisha bwaka nokwikatwa

Luka 8:14

Imbuto shawile muminga, ebantu abomfwa amashiwi aku Lesa. Nomba amasakamiko nobusambashi namangalo aapanonshi, filabapulula, echo nefitwalo fyabo tafipyapo.

Efeso 5:5

Mwishibe nchi ichakuti umuntu onse uwabuchende nangula uuchita ifyabusali, nangula kabundulu (pakuti bukabundulu chimo nokulambila tungosa wakubasa), takapokelelepo ubufumu bwaku Klistu nobwaku Lesa.

Filipi 3:8

Nachine, ifintu fyonse mfibona ukuba ifyabwaka pamulandu wabuboni ubukulu ubo ndinabo pakwishiba ukuti Yesu Klistu Bashikulu wanji. Pamulandu wakwe, ndaposa fyonse, ukufibona kubati fisoso, ukwebati nonke Klistu,

Kolose 3:5

Ala, lekeni ukwikala kwenu ukwabuntunse: ubulale-lale, ubuchende, ulwinso ulubi nolunkumbwa ulwabipa. Pakuti ulunkumbwa emusango umo uwakulomba tungosa wakubasa.

1 Yohane 2:15

Mwitemwapo ichalo nangula fyonse ifyabamo. Nga umuntu atemwa ichalo, ekwebati tatemwapo Bata.