Luka 18:22 - Chipangano Chabwangu

²² Ulo Yesu aumfwile mfi, asosele kuli ye ati, “Eko chili ichintu chimo ichikofwayikwa ukuti uchite. Koya ukashitishe ifintu fyonse ifyo wakwata. Indalama wakusangamo, ukashipele kubachula, elo wakwisa kuba nobuboni kumulu. Epo wakwisa kunkonka.”

Luka 18:22 ပူးပေါင်းရင်းမြစ်များ

Mateyo 19:21

Yesu amwasukile ati, “Kati ukofwaya ukuba uwapwililika, koya ukashitishe ifintu fyonse ifyo wakwata. Indalama wakusangamo, ushipele kubachula, elo wakwisa kuba nobuboni kumulu. Elo wise unkonke.”

Luka 10:42

kuntu ichikofwayikwa chimo bwaka. Pakuba Maliya asala ichintu chimo ichiweme, icho ichitayise kupokwa kuli ye.”

Luka 12:33

Shitisheni fyonse ifyo mwakwata nokupela indalama kubachula. Muyiwamishe mwebene ifikwama ifitasapuka, nakambi musungile ichuma chenu kumulu uko tachingachepa, pantu umung’o tekuti afikeko nefinamumpapila nafyo tekuti bufyonaule.

Luka 16:9

Nakambi Yesu alipitilile mukusosa ati, “Nachine nkomweba ati, ichitileni ifibusa pabuboni bwamuchalo ukuti ulo mfi fyakupita, mwakuya kupokelelwa mumananda yamabelo.

Luka 18:21

Umuntu ngulya alyasukile ati, “Amafunde onse nga nalisunga kale ukufuma kubwayiche bwanji.”

Luka 18:23

Umusambashi pakumfwa mfi, abele nechikonko ichikulu pantu ali nobuboni ubwinji ukwinekantu.

Luka 9:23

Yesu aebele nakambi bonse ati, “Umuntu kati akofwaya ukunkonka, ayikane umwine nokupinta umutashi wakwe lonse, elo ankonke.

Filipi 3:13

Mwe bawesu, tanshikolangulukapo ukuti nalifipoka kale iyowo. Nomba chimo icho nchita ninchi: ndalabukila ifyakunuma nokwesesha ukufika kufyakuntanshi.

2 Petulo 3:8

Mwe batemwekwa, pali chintu chimo icho tamulingile ukulabukilapo chakuti kuli Lesa akasuba kamo kali kubati myaka ikana limo, elo nemyaka ikana limo ili kubati kasuba kamo.