Luka 17:6 - Chipangano Chabwangu

⁶ Bashikulu bayasukile ati, “Nga mwakwete ichichetekelo ukubati uluseke lwamasitadi, kuti mwasosa kuli nchi chiti chakumalubeni mwati, ‘Shuluka ukayilimbe muli bemba!’ Nachine chakumumfwila.”

Luka 17:6 ပူးပေါင်းရင်းမြစ်များ

Mateyo 14:29

Naye amwebele ati, “Isa.” Elo Simoni Petulo afumine mubwato nokwenda pamenshi ukuya kuli Yesu.

Mateyo 17:20

Naye abebele ati, “Pantu ukuchetekela kwenu kunini. Nachine nkomweba ati, nga mwakwata ichichetekelo kubati kaluseke kamasitadi, kuti mwaeba ulupili ndu ati, ‘Telela nkulya!’ Nalo kuti lwatela, tekuti kube nangu chimo icho ichingamukanga.”[

Mateyo 21:21

Elo Yesu abasukile ati, “Nachine nkomweba ati, kati mukochetekela nokutakayikapo, tamwakachite bwaka nchi chachitika kumukunyu ngu iyowo, kuntu mungasosa nakulupili ndu mwati, ‘Fuma mpa, uye uyipose muli bemba,’ nacho chakuchitika.

Maliko 4:31

Bwaba kubati kaluseke kamasitadi, akanini panseke shonse ishapano chalo.

Maliko 9:23

Yesu asosele ati, “Chikoyalula ndo icho mukososa ati, kati ukosumina? Ifintu fyonse filachitika kumuntu uwaba nechichetekelo!”

Luka 13:19

Bwaba kubati kaluseke kamasitadi akanini ako umuntu abulile nokukabyala mwibala. Kalikulile nokuba kubati chiti ichikulu, nefyuni fyalishile nokupikamo ifinsa mumisambo yachiko.”

Luka 17:7

“Kati umo uwaku mwebo ali nomupyungi uwakulima nangula uukoembela imbelele. Ulo abwela kwibala, napo kuti mwamweba ati, ‘Endesha ukulya?’

Luka 19:4

Epo abutukile kuntanshi yebumba nokunina kuchiti cha sokomole, ukuti abone Yesu ulo alikupita pali njilya nshila.

Luka 7:13

Ulo Bashikulu bamubwene, umutima wabo wayiketwe nenkumbu. Basosele kuli banyina ati, “Wilila.”

Luka 7:19

nokubatuma kuli Bashikulu Yesu mukufumba ati, “Napo niwe basosa ukuti alinokwisa nangula tuli nokulindilila umbi?”

1 Kolinto 13:2

Nangu ndi nechabupe ichakusambisha, nangu nalishiba ifyamubumfisolo fyonse, nokumfwikisha fyonse, nangu ningakwata ichichetekelo ichakusesha impili, nomba nga nshikwetepo ukutemwa, tanshipo kantu.