Luka 17:30 - Chipangano Chabwangu

³⁰ Efyo chakwisa kuba pakasuba ulo Umwana wa Muntu akwisa kuyifisululamo.

Luka 17:30 ပူးပေါင်းရင်းမြစ်များ

Mateyo 16:27

Pantu Umwana wa Muntu akwisa nabangelo bakwe mubuleme bwaku Wishi. Elo akwisa kupela umuntu umo-umo ukulingana nemilimo yakwe iyo achita.

Mateyo 24:3

Ulo Yesu ayikele Palupili lwa Maolife, abakusambila bafikile kuli Ye mubumfishi nokumufumba ati, “Twebeko, kanshi mfi fintu ukososapo nilwisa fyakuchitika? Chindo twakwishibilako ukuti ukwisa kobe nokushila kwachalo kwafikila?”

Mateyo 24:37

Nga mfilya chali panshita yakwa Nowa, efyo chakuba napakwisa kwa Mwana wa Muntu.

Mateyo 24:39

Abantu tabayilukilepo ukufikila ulo ichama chayishile nokubepaya bonse. Efyo chakuba napakwisa kwa Mwana wa Muntu.

Mateyo 26:64

Elo Yesu amwebele ati, “Wasosa. Nomba nkomweba ati, ukufuma nomba mwakubona Umwana wa Muntu alikele kukuboko kwamulyo ukwaku Lesa umwine wafiso fyonse, mwakumubona uko akwisa mumakumbi amumulu.”

Maliko 13:26

Elo bakubona Umwana wa Muntu akoyisa mumakumbi ali nefiso, elo nobuleme ubukulu.

Luka 17:24

Pakuti ukubati nimfilya akampeshi kabyata ukuchilinganya umulu ukufuma kulubali lumbi nokufika kulunakwe, efyo chakuba napakubwela kwa Mwana wa Muntu.

Luka 17:29

Mubushiku ubo Loti afumine mu Sodomu, kwalokele amafyanga aamulilo na silubale ukufuma kumulu kubati nimfula nokubepaya bonse.

Luka 21:22

Pakuti nji eshita yamachushi, nku ekufikilisha fyonse ifyalembwa.

Luka 21:27

Elo Umwana wa muntu akwisa kuboneka mumakumbi ali nefiso, elo nobuleme ubukulu.

1 Kolinto 1:7

Echo tapapo ubupe ubo tamukwetepo ulo mukolindila ukuboneka nakambi kwaku Bashikulu Yesu Klistu.

1 Kolinto 1:8

Ye akumukosha ukufika nakumupwilo, ukwebati mwikabapo abamulandu pakasuba kaku Bashikulu Yesu Klistu.

Kolose 3:4

Ubumi bwenu ubwachine ni Klistu. Ulo akaboneka namwe mukabonekela pamo nakwe mubuleme bwakwe!

2 Tesalonika 1:7

Elo akumupela ukutusha mwe bakochula nomba pamo nafwebo. Akuchita mfi ulo Bashikulu Yesu bakufuma kumulu pamo na bangelo babo abafiso.

1 Petulo 1:13

Echo imitima yenu ibe iyayipekanya. Mube abayiluka. Mushintilile nomutima onse mukulindila kwenu pabwanshi bwaku Lesa ubo mwakupokelela ulo Yesu Klistu akuboneka.

1 Petulo 1:7

Kubati golide, nangu ulaonayika, uleshekwa nomulilo. Munshila imo yenka, ichichetekelo chenu, ichachilapo pali golide, chileshekwa ukubona ati nga chinenene. Elo bakumutondayisha, bakumupela umuchinshi nobuleme ulo Yesu akuboneka.

1 Petulo 4:13

Mulokusangalala pantu mukochulako kubati ni Klistu ukwebati nga umuchinshi waboneka mukasangalale ukwinekantu.

1 Yohane 2:28

Ina, bana banji, ikaleni muli Ye, mukuti nga aboneka tukeushiwe nokushipa. Tatwakaumfwepo insoni pakasuba ulo akwisa.

1 Yohane 3:2

Mwebatemwekwa banji, nomba tuli bana baku Lesa, lelo tachingayishibikwapo ifyo twakuba. Lelo tulishibile ukuti ulo Klistu akuboneka, twakubati ni Ye pantu twakumubona fyenka ifyo aba.

Ukufisulula 1:7

Boneni akoyisa pamakumbi! Echo bonse bakumubona pamo nabo abamulashile. Imikowa yonse yamuno chalo yakulila pamulandu wakwe. Nachine nifyenka mfi. Ameni.