Luka 16:9 - Chipangano Chabwangu

⁹ Nakambi Yesu alipitilile mukusosa ati, “Nachine nkomweba ati, ichitileni ifibusa pabuboni bwamuchalo ukuti ulo mfi fyakupita, mwakuya kupokelelwa mumananda yamabelo.

Luka 16:9 ပူးပေါင်းရင်းမြစ်များ

Mateyo 19:21

Yesu amwasukile ati, “Kati ukofwaya ukuba uwapwililika, koya ukashitishe ifintu fyonse ifyo wakwata. Indalama wakusangamo, ushipele kubachula, elo wakwisa kuba nobuboni kumulu. Elo wise unkonke.”

Mateyo 6:19

“Muyibikilapo ububoni bwenu panonshi, apo finamupapila nendalabwa fyonaula, nabang’o nabo balatoba nokwiba.

Mateyo 6:24

“Takupo umuntu uupyungila imfumu shibili, pakuba angapatapo imo nokutemwapo imbi, elo angalokumfwilapo imo nokusula iinakwe. Echo tekuti mupyungilepo Lesa nobuboni.

Luka 11:41

Nomba peleni ifili munkombo namumbale kubachula, epo nefintu fyonse fyakuba ifiweme kuli mwe.

Luka 12:33

Shitisheni fyonse ifyo mwakwata nokupela indalama kubachula. Muyiwamishe mwebene ifikwama ifitasapuka, nakambi musungile ichuma chenu kumulu uko tachingachepa, pantu umung’o tekuti afikeko nefinamumpapila nafyo tekuti bufyonaule.

Luka 14:14

Elo webo wakupelwa ishuko, pakuti tabakwetepo ifyakukubwesesha. Lesa akwisa kukulambula ulo abalungama bakwisa kubuka kubafwa.”

Luka 16:11

Nga tamukoba abachetekelwapo pakusunga ububoni bwamuchalo, mba kuti mwaba abakwebesha shani pakusunga ububoni bwinenene?

Luka 16:13

“Takupo umuntu uupyungila imfumu shibili, pakuba angapatapo imo nokutemwapo imbi, elo angalokumfwilapo imo nokusula iinakwe. Echo tekuti mupyungilepo Lesa nobuboni.”

Luka 16:4

Nomba nayishiba ifyo ndinokuchita! Kanshi ulo inchito yanji yakushila, nakukwata ifibusa ifyakuya kumpokelela mumananda abo.’

Imilimo ya batumwa 10:31

Elo asosele ati, ‘Koneliyasi! Lesa alyumfwile ukulomba kobe nemilimo yobe iyakwafwilisha iyo ukochita.

Imilimo ya batumwa 10:4

Ulo Koneliyasi abwene umungelo ngu, alitinine nokusosa ati, “Nindo bamfumu?” Elo umungelo asosele kuli ye ati, “Lesa atemwa ukulomba kobe pamo nemilimo yobe iyakwafwilisha iyo ukochita. Echo akofwaya ukukwasuka.

2 Kolinto 4:17

Amachushi esu alyanguka, elo yakashita kanini, nomba yakutuletela umuchinshi uukulu ukuchilapo, elo wamuyayaya.

Yuda 1:21

Ikaleni mukutemwa kwaku Lesa ulo mukolindila ubumi butapwa ubo Bashikulu wesu Yesu Klistu akaya kupela muchisa chakwe.