Luka 16:25 - Chipangano Chabwangu

²⁵ “Nomba Abulahamu asosele ati, ‘We mwana wanji, ibukisha, mubumi bobe bonse walipelwe ifiweme fyenka, kuntu Lasalo ena ifibi. Nomba ye alimukusekelela nkuno, webo ukochula.

Luka 16:25 ပူးပေါင်းရင်းမြစ်များ

Mateyo 27:63

nokumweba ati, “We mfumu, twayibukisha ifyo ngulya uwabufi alikusosa ulo ali nobumi ati, ‘Nga shakumana inshiku shitatu nakubuka kubafwa nakambi.’

Maliko 9:45

Nakambi ulukasa lobe nga lulakulenga ukubifya, luputuleko. Chawama ukwinjila mubumi ubutapwa nolukasa lumo ukuchila ukuposwa mumulilo utashimapo namakasa abili. [

Luka 16:20

Kwalipo naumbi umuntu umuchushi uwalikwitwa Lasalo. Ali nefibenga umubili onse. Elo balikumutwala kumwinshi wamusambashi.

Luka 16:23

Namumanda mulya aali mukuchula ukwinekantu, kumulilo uutashimapo. Echo ayinwine ichinso chakwe nokubona Abulahamu, ali apatali, na Lasalo ali kulubali lwakwe.

Luka 16:26

Elo, pakati pali fwe nawe, pali ichilongoma ichakuti abafwaya ukwabuka ukwisa uko tekuti bachichitepo, elo tapapo uwingabukila kuli fwe ukufuma uko uli.’

Luka 6:24

“Yangwee kuli mwebo mwe basambashi banomba, pakuti mulikele mubwanalale.

Yohane 16:33

Namweba amashiwi nga ukuti mube nomutende wakuchetekela muli ne. Muno chalo mukaba mukuchula. Nangu chibe mfi, sekeleleni pantu nachimfya ichalo.”

Imilimo ya batumwa 14:22

Balikukoselesha abachetekela ukuti bekalilile muchichetekelo. Balikubasambisha ati, “Tufwile ukupita mumachushi ayenji ukuti twinjile mubufumu bwaku Lesa.”

Loma 8:7

Echo ababika imitima yabo pafintu ifyapanonshi fipondo fyaku Lesa. Tabanakilapo Ifunde lyaku Lesa. Nachine tekuti banakilepo.

Filipi 3:19

Kumupwilo bakonaulwa, pakuti lesa wabo fintu ifiwamya umubili. Bakoyitutumwina pafyo balingile ukuba nensoni. Amalangulushi abo aba pafintu ifyapanonshi epela.

1 Tesalonika 3:3

Elo nokuti kwibapo nangu umo ungabwelela kunuma pamulandu wamachushi nga. Mwebene mulishibile ukuti amachushi aya mfi akochitika mukufwaya kwaku Lesa mwine.

Hebele 11:25

Echo atemenwe ukuchula pamo nabantu baku Lesa ukuchila ukusekelela mufibi pakashita akanini bwaka.

1 Yohane 2:15

Mwitemwapo ichalo nangula fyonse ifyabamo. Nga umuntu atemwa ichalo, ekwebati tatemwapo Bata.

Ukufisulula 7:14

Nebo nayaswike ati, “Bashikulu mwe mwishibe nimwebo.” Elo anjebele ati, “Mba ebali mumachushi aakulu ngalya. Balichapa iminjila yabo nokuyitubisha mumulopa wa Mwana wambelele.