Luka 16:23 - Chipangano Chabwangu

²³ Namumanda mulya aali mukuchula ukwinekantu, kumulilo uutashimapo. Echo ayinwine ichinso chakwe nokubona Abulahamu, ali apatali, na Lasalo ali kulubali lwakwe.

Luka 16:23 ပူးပေါင်းရင်းမြစ်များ

Mateyo 11:23

Nawebo Kapenaumu, napo wakusumbulwa kufika nakumulu? Iyowo, wakwisa kuposwa mumulilo uutashimapo. Pantu ifyafiso ifikulu ifyachitikilwe muli webo nga fyachitikilwe mu Sodomu, nga epo uli ukufika nanduno.

Mateyo 18:9

Nakambi kati ilinso lyobe lilakulenga ukubifya lilobolemo. Chawama ukwinjila mubufumu bwaku Lesa nelinso limo ukuchila ukuposwa mumulilo uutashimapo namenso abili.

Mateyo 23:33

Mwe nsoka, mwe bana bafipili, kanshi mukaya kupuluka shani kubupingushi bwakuposwa mumulilo utashimapo!

Mateyo 5:22

Nomba nebo nkomweba ati, onse uwakalipila wabo akutwalwa mukulubulula. Noyo uwakweba wabo ati, ‘We chipuba we,’ akuba nomulandu kunsaka yamilandu iikulu. Nomba uwakweba wabo ati, ‘We chinangwa we!’ Ye alingile ukumuposa mumulilo uutashimapo.

Mateyo 5:29

Kati ilinso lyobe ilyakumulyo lilakulenga ukubifya, ulilobolemo nokuliposa. Chawama ukulufya ichilewa chimo ichamubili obe ukuchila ukuleka umubili onse ukuya kuposwa mumulilo uutashimapo.

Mateyo 8:29

Ulo babwene Yesu, balibilikishe bati, “We mwana waku Lesa, nindo ukofwaya kuli fwebo? Napo wayisa nkuno mukutuchusha nenshita ilingile tayilafika, bayi?”

Luka 16:24

Epo alibilikishe ati, ‘Bata Abulahamu! Beni nechisa nandibo. Mutumeni Lasalo atubike umunwe wakwe mumenshi atontwele, ese antontosheko kulumini lwanji pakuti nkochula mumulilo ngu!’

Luka 16:28

kuli bawesu basano. Akabachenjesheko ukuti nabo bekesapo nkuno chifulo chabuchushi.’

Luka 8:28

Ulo abwene Yesu, alilile neshiwi ilikulu nokufukama pamakasa akwe nokuti, “Nindo ukofwaya kuli nebo webo Yesu, we Mwana waku Lesa Uwapulamo? Napapata, winchu-shapo!”

1 Kolinto 15:55

“Webo we mfwa, mba ukuchimfya kobe kuli kwi? Webo we mfwa mba ulubola lobe luli kwi?”

2 Petulo 2:4

Pakuba Lesa talekelele abangelo ababifishe mbalya, kuntu alibaposele muchibembela chamulilo, muchilindi chamfishi uko bakakilwe ukulindila ukupingulwa.

Ukufisulula 20:10

Elo Kachenjeleka uwababepele, aliposelwe muli bemba wamulilo uwaka namabwe asilubale, umo umwali kale ichiswango nomusoseshi wabufi. Echo bakuchula umuyayaya akasuba nobushiku.