Luka 16:2 - Chipangano Chabwangu

² Elo nomba alimwitile nokumweba ati, ‘Mba chindo nchi nkoumfwa pali we? Njeba bwino-bwino ifyo usunga ububoni bwanji pantu tawabepo umubomfi nakambi.’

Luka 16:2 ပူးပေါင်းရင်းမြစ်များ

Mateyo 12:36

“Nomba nkomweba ati, pakasuba kabupingushi abantu bakupelwa imilandu pamulandu wamashiwi onse awo basosa ichisose-sose.

Mateyo 20:8

“Ulo kwali ichingulo, umwine webala aeba kapitawo ati, ‘Kete abamilimo, ubafoleshe, ukubalila pabakulekelesha, elo ulekeleshe ukulipila abakwamba.’

Luka 12:20

Nomba Lesa asosele kuli ye ati, ‘Wechipuba webo! Muli bwenka mbuno bushiku ubumi bobe bwashila. Mba ninani wakwisa kubula ifintu fyobe fyonse ifyo wayisungila?’”

Luka 12:42

Bashikulu balimwasukile ati, “Kanshi, ninani uwingaba uwakuchetekela nowamano? Ningulya uwo wishikulu akusonta ukuba umukulu pali bonse, mukuba uwakupela ifyakulya kubamilimo bonse panshita yalinga.

Luka 16:1

Yesu asosele kubakusambila bakwe ati, “Kwalipo umusambashi umo uwali nomupyungi uwalikusunga ifipe fyakwe. Umusambashi ngu balimwebele ifyo ngulya mupyungi alikumuposela ububoni bwakwe.

Luka 16:3

Elo umupyungi ngulya ayisoseshe ati, ‘Bashikulu bakontamfya pamulimo wanji, nakuchita shani? Nebo nshakwatapo fiso fyakulima, nakambi naliba nensoni shakupula.

Loma 14:12

Echo umuntu onse muli fwe akwisa kuyisosela umwine kuli Lesa pali fyonse ifyo achitile.

1 Kolinto 1:11

Pakuba bawesu abamulupwa lwakwa Koloye balinshimikilako ifyaku mwebo ukuti paliba ukupatukana pakati kenu.

1 Kolinto 4:2

Nomba ichilingile kubasontwa kuba abachishinka kuli shikulu wabo.

1 Kolinto 4:5

Echo mwipingulapo umuntu nangu umo ulo Bashikulu batalafika. Bo ebakwisa kusanikila fyonse ifyamubumfisolo ifyamumfishi. Elo akufisulula ifyamufinsolo nokufisulula amapange aafisama ayamumitima yabo. Panuma chila muntu akupokelela ukutonda kuli Lesa ukulingana nemilimo yakwe.

2 Kolinto 5:10

Pakuba fwe bonse twakuya kubonekela pachinso chaku Klistu ukuti akatupingule. Kwenka nkulya uuli onse akupokelela ifimulingile, ukulingana nefyo achitile panonshi, ifiweme nangula ifibipile.

1 Timoti 4:14

Wisulapo ubupe bobe ubo wapokelele ulo abasoseshi bashimikile amashiwi aku Lesa nolo intungulushi shabikile amaboko pali webo.

1 Timoti 5:24

Ifibi fyabantu bambi filabonekela palwalala, elo filabatangilila kukupingulwa. Nomba ifibi fyabambi filaboneka panuma.

1 Petulo 4:10

Chila muntu abomfye ubupe apokelele kuli Lesa mukwafwilisha banakwe. Mube kubati bakasunga ababomfya bwino ubupe bupusene-pusene ubufuma kuli Lesa.

1 Petulo 4:5

Mba bantu bakwisa londolola benka umulandu wabo kuli Lesa, uwayipekanya ukulubulwisha abomi nabafwa.

Ukufisulula 20:12

Penkapo nalibwene abafwa, abakulu nabayiche, balimakene pantanshi yamupando wabufumu ngulya. Elo amabuku aliswilwe. Kwalipo nalimbi ibuku ilyayiswilwe, ibuku ilyabumi. Abafwa mbalya balipingwilwe ukulingana nefyo bachitile, kubati nimfilya chalembelwe mwibuku ndilya.