Luka 16:15 - Chipangano Chabwangu

¹⁵ Elo Yesu asosele kuli bo ati, “Mwebo mukoyilinga abaweme kubantu bambi, kuntu Lesa alishiba imitima yenu. Ifyo umuntu alinga ukuba ifyachine, pachinso chaku Lesa fyabwaka.

Luka 16:15 ပူးပေါင်းရင်းမြစ်များ

Mateyo 23:5

Balabomba imilimo yabo yonse ukuti babonwe kubantu. Balayibwenesha ulo bakusha apalembwa Amalembo aku Lesa awo bafwala pampumi napamaboko yabo. Elo balakusha insenkebele kuminjila yabo.

Mateyo 6:16

“Ulo mukoyikanya ukulya, mulokwikalapo abachikonko nga mfilya bachita abakutumpayika. Bo balayishimfyanya pamenso pakuti abantu bababone ukuti bakoyikanya ukulya. Nachine nkomweba ati, mba balipokelela kabela ichilambu chabo.

Mateyo 6:2

“Pamulandu ngu, ulo mukopela ichabupe kubantu bachula, mwiibwenesha palwalala kubati nimfilya bachita abakutumpayika mumananda aakulombelamo Lesa namumisebo ukuti bachinshikwe kubantu. Nkomweba ati, mba bantu balipokele kabela ichilambu chabo.

Mateyo 6:5

“Ulo mukolomba, mulokubati abakutumpayika. Pakuba bo balitemwa ukwimakana pakulomba mumananda aakulombelamo Lesa napamampandwa amisebo, ukuti babonekele kubantu. Nkomweba ati, mba balipokele kabela ichilambu chabo.

Luka 10:29

Nomba umusambishi wa Mafunde ngulya alikufwaya ukuyilungamika, elo afumba Yesu ati, “Nga mwinamupalamano wanji ninani?”

Luka 11:39

Elo Yesu asosele ku Mufalisi ngulya ati, “Mwebo mwe Bafalisi, musamfya kunse yankombo nembale, nomba mukati kenu mwayiula bwaka ubuchenjeshi nobusali.

Luka 18:11

Elo umu Falisi alimakene nokulomba apaenka ati, ‘Nkomutotela mwe Lesa pakuti nshapalanapo nabantu bambi, abachenjeleka, abatalungama, abachende, nabonse bwaka, nangula kubati ningu uwamusonko.

Luka 18:14

Yesu asosele ati, ‘Nachine nkomweba ati, ngu uwamusonko abwelele kunanda yakwe uwanakililwa ukuchila umunakwe! Pakuti onse uukoyikusha akuchefekwa, kuntu uyo uwichefya akusumbukwa.’”

Luka 18:21

Umuntu ngulya alyasukile ati, “Amafunde onse nga nalisunga kale ukufuma kubwayiche bwanji.”

Luka 18:9

Nakambi Yesu asosele ichelusho kubantu abali kuyichetekela ukuti ebalungama nokusula abanabo.

Luka 20:20

Bafwayile inshita iilingile ukumwikatilapo. Elo bapele abantu bambi amafisakanwa ukuti baboneke ati bantu benenene. Batuminwe ukuya kumwesha Yesu namafumbo abo pakuti bakamubepeshe kuli kateka waba Loma uyo uwali nefiso ifyakupingula.

Luka 20:47

Mulalila bamukamfwilwa amasuku pamitwi pakupokolola amananda afiko, nakambi nokuyilanga kubantu mukulomba kwabo ukutali! Ukuchula kwabo kuli Lesa kwakwisa kuba ukukulu ukwinekantu!”

Yohane 2:25

Elo tachafwayilwe umuntu uuli onse ukumubushako ifyakwikala kwabantu, pantu umwine alishibile ifyali mumitima yabo.

Yohane 21:17

Inshita iyachitatu, Yesu amufumba nakambi ati, “Simoni, mwana Yohane, napo walintemwa?” Petulo abele nechikonko pantu Yesu amufumbile nomba umuku wabutatu ati, “Napo walintemwa?” Epo naye aasukile ati, “Bashikulu, mwebo mwayishiba ifintu fyonse. Mwalishiba ukuti nalimutemwa!” Yesu amwebele ati, “Lisha imbelele shanji.

Imilimo ya batumwa 1:18

Yuda ashitile ibala nendalama isho asangile ukufuma kububi ubo achitile. Nkulya eko awile panshi ubwifuneme nokupanduka, namala akwe kaafuma panse.

Imilimo ya batumwa 1:24

Elo balombele ati, “Mwe Mfumu, mwebo mwalishiba imitima yabantu bonse. Kanshi tulangeni uyo mwasalapo pali mba babili

Imilimo ya batumwa 15:8

Elo Lesa uwayishiba imitima yabantu, ayilangile ukuti abenafyalo nabo alabapokelela ulo abapela Mupashi Wabuta ukubati nimfilya aupele kuli fwebo.

Loma 3:20

Pakuti Lesa tabonapo umuntu nga uwalungama ukupitila mukuchita ifyo Amafunde. Icho Amafunde achita kulanga umuntu ukuti eshibe ati nabifya.

Loma 8:27

Epo Lesa uwayishiba ifyamumitima yesu, alishiba kale ifyo malangulushi aya Mupashi aba, pakuti Umupashi Wabuta eupapatilako abantu kuli Lesa umo afwayila.

1 Kolinto 4:5

Echo mwipingulapo umuntu nangu umo ulo Bashikulu batalafika. Bo ebakwisa kusanikila fyonse ifyamubumfisolo ifyamumfishi. Elo akufisulula ifyamufinsolo nokufisulula amapange aafisama ayamumitima yabo. Panuma chila muntu akupokelela ukutonda kuli Lesa ukulingana nemilimo yakwe.

1 Petulo 3:4

Nomba ukuyiwamisha kwenu kube ukwamumutima mukati, ukuwamya ukutashilapo ukwamutima-nteka nowatalala. Ubumi bwamfi bwalichindama kumenso aku Lesa.

1 Petulo 5:5

Namwebo mwe balumbwana mulokumfwila abakulu. Elo bonse mube abayipekanya ukupyungilana mukuyichefya. Amalembo asosa ati, “Lesa alatalika abayikusha, kuntu alapela ubwanshi kubayichefya.”

Ukufisulula 2:23

Nakulofya abana bakwe. Elo ifilonganino fyonse fyakwishiba ukuti ninebo uwayishiba ifyamumitima namalangulushi yabantu. Echo nkalambula umuntu nomuntu pamilimo yakwe.