Luka 16:11 - Chipangano Chabwangu

¹¹ Nga tamukoba abachetekelwapo pakusunga ububoni bwamuchalo, mba kuti mwaba abakwebesha shani pakusunga ububoni bwinenene?

Luka 16:11 ပူးပေါင်းရင်းမြစ်များ

Mateyo 6:24

“Takupo umuntu uupyungila imfumu shibili, pakuba angapatapo imo nokutemwapo imbi, elo angalokumfwilapo imo nokusula iinakwe. Echo tekuti mupyungilepo Lesa nobuboni.

Luka 12:33

Shitisheni fyonse ifyo mwakwata nokupela indalama kubachula. Muyiwamishe mwebene ifikwama ifitasapuka, nakambi musungile ichuma chenu kumulu uko tachingachepa, pantu umung’o tekuti afikeko nefinamumpapila nafyo tekuti bufyonaule.

Luka 16:12

Elo nga tamwachetekelwapo pabuboni bwamunobe, mba ninani uwakumupela icho ichilingile ukuba ichenu?

Luka 16:9

Nakambi Yesu alipitilile mukusosa ati, “Nachine nkomweba ati, ichitileni ifibusa pabuboni bwamuchalo ukuti ulo mfi fyakupita, mwakuya kupokelelwa mumananda yamabelo.

Luka 18:22

Ulo Yesu aumfwile mfi, asosele kuli ye ati, “Eko chili ichintu chimo ichikofwayikwa ukuti uchite. Koya ukashitishe ifintu fyonse ifyo wakwata. Indalama wakusangamo, ukashipele kubachula, elo wakwisa kuba nobuboni kumulu. Epo wakwisa kunkonka.”

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Yemusi 2:5

Umfweni mwe bawesu abatemwekwa! Napo Lesa tasalilepo abo ababoneka abachushi kubantu ukuti bakabe abasambashi muchichetekelo chabo? Napo tabasalilepo ukuti bapokelele ishuko ilyo alayile ukupela abamutemwa?

Ukufisulula 3:18

Nkokuchenjeshako ukuti ushite kuli nebo golide yawamikwa mumulilo ukuti ube uwabuboni wine-wine. Elo ushite ifyakufwala ifitubile ukuti ufwale nokufisa umubili obe uleta insoni. Ushite nomuti wamenso ukuti ulokubona bwino.