Luka 15:8 - Chipangano Chabwangu

⁸ “Nangula umwanakashi uukwete indalama ikumi iyamuwaya nga alufyapo imo pali nsho, kuti achita shani? Kuti asanika inyali nokupyanga munanda yakwe. Elo akuchenchenta konse-konse ukufikila ayisanga.

Luka 15:8 ပူးပေါင်းရင်းမြစ်များ

Mateyo 5:15

Elo abantu tabasanikapo inyali nokuyifunikila mumbale, kuntu bayiteka apasansukile ukuti isanikile bonse abali munanda.

Luka 15:7

Munshila imo yenka, nkomweba mwe ati, kwakuba ukusekelela ukukulu mumulu pambifi imo iyalapila ukuchila abalungamikwa kale amakumi asano na ane nabantu basano na bane abatafwayapo kulapila.

Luka 15:9

Ulo ayisanga, akwita ifibusa nabena mupalamano bonse, nokusosa kuli bo ati, ‘Ndi nokusekelela ukukulu pantu nayisanga indalama yanji iyalubile. Iseni tusekelele pamo!’

Luka 19:10

Pakuti Umwana wa Muntu ayishile mukufwaya nokupulusha abaluba.”

Yohane 10:16

Eko shaba imbelele nashimbi ishanji, ishitali pali ngu mukuni. Nasho nakushileta pamo, shakumfwa ishiwi lyanji, elo shakwisa kuba mumukuni umo nachembela umo.

Yohane 11:52

Tekufwilapo Bayuda benka iyowo, kuntu nokulonganya abana baku Lesa bonse abo abapalangana.

Imilimo ya batumwa 19:19

Abo abalikuchita ifya nsengo nokubuka balongenye amabuku abo nokuyawocha mumulilo nabantu bonse bakololesha. Ulo bapendele umutengo waku nga mabuku, basangile ukuti indalama shali amakana amakumi asano ishabuseke.

Efeso 2:17

Klistu alishile nokubilisha Ubutumi Bwawama ubwamutende kuli mwebo abenafyalo, mwe abali ukutali na Lesa, naku Bayuda abali apepi nakwe.