Luka 15:29 - Chipangano Chabwangu

²⁹ Ye ayasukile bawishi ati, ‘Boneni, mumyaka yonse nji nebo ndamupyungila kubati musha, nshabala nsulapo amafunde enu. Mba chindo icho mwampelapo? Tamwampelapo nangu nimbushi ukuti njipaye tulye nefibusa fyanji!’

Luka 15:29 ပူးပေါင်းရင်းမြစ်များ

Mateyo 20:12

ati, ‘Mba abalekelesha ababomba bwaka oola limo, ebo mwatulinganya nabo. Fwebo tulichulile akasuba konse!’

Luka 15:28

“Umukulu-bantu alikalipile ukwinekantu ichakuti namunanda tafwayile ukwinjilamo. Nomba bawishi balifumine nokumupapatila ukuti enjile.

Luka 15:30

Nomba ngu umwana wenu uwaonawile ububoni bwenu bonse munshila yabumafyafya, ulo abwelela, mwamwipayila umwana wang’ombe uwanona!

Luka 15:7

Munshila imo yenka, nkomweba mwe ati, kwakuba ukusekelela ukukulu mumulu pambifi imo iyalapila ukuchila abalungamikwa kale amakumi asano na ane nabantu basano na bane abatafwayapo kulapila.

Luka 17:10

Epamo penka namwe, ulo mwachita fyonse ifyo mwebelwe ukuchita, soseni ukuti, ‘Tuli bapyungi bwaka. Twabomba lukoso imilimo iyo tulingile ukuchita!’”

Luka 18:9

Nakambi Yesu asosele ichelusho kubantu abali kuyichetekela ukuti ebalungama nokusula abanabo.

Luka 19:21

Nalitinine pakuti uli mukali. Ubula nefitali fyobe nokulobolola umo utaminshilemo.’

Loma 10:3

Pakuti tabayishibapo inshila iyo Lesa alungamikilamo abantu. Balyesha ukuyisangila inshila yabo. Tabanakilapo inshila iyo Lesa alungamikilamo abantu iyowo.

Loma 3:20

Pakuti Lesa tabonapo umuntu nga uwalungama ukupitila mukuchita ifyo Amafunde. Icho Amafunde achita kulanga umuntu ukuti eshibe ati nabifya.

Loma 3:27

Chindo nomba twingayitakishishapo? Tapapo. Nipamulandu ndo? Napo nipakuti tukolama Amafunde? Iyowo, pakuti ichikulu kuli Lesa tenchito muntu achita, kuntu kuchetekela bwaka.

Loma 7:9

Akale nebo nali uwabumi ubwabwaka. Nomba ulo ifunde lyayishile, elo ububi bwatilimukile.

Ukufisulula 2:17

“Uyo uuli namatwi, omfwe ifyo Mupashi Wabuta ukososa kufilonganino! “Onse uwakuchimfya, nakumupela mana aatabonekapo ukuti alye. Nakambi nakumupela ibwe ilitubile apalembwa ishina lyabwangu ilyayishibikwa bwaka kumwine uwakupokelela epela.

Ukufisulula 3:17

Webo ulasosa ukuti uli nobuboni ubwinji, taukabilapo nakantu iyowo, kuntu tawayishiba ukuti uli umuchushi, uwabwamba nakambi uli mpofu.