Luka 15:24 - Chipangano Chabwangu

²⁴ Pantu ngu mwana wanji alifwile, kuntu nomba ali uwabumi, alilubile, kuntu nomba asangwa.’ Elo nomba batatikile ukulya nokusekelela.

Luka 15:24 ပူးပေါင်းရင်းမြစ်များ

Mateyo 8:22

Nomba Yesu alimwasukile ati, “Iyowo, nkonka bwaka. Leka abafwa balokushika abafwa banabo.”

Maliko 8:22

Ulo bafikile ku Betesaida, abantu bambi batwite kuli Yesu umuntu umwalalume uwali impofu, nokumufumba ukuti amukumye.

Luka 10:19

Umfweni, namupela ifiso ifyakunyantilapo pansoka napatumini, nokuchila pafiso fyakapondo. Tapali akantu akakumuchenesha nangu panini.

Luka 15:23

Elo muye mukalete umwana wang’ombe uwanona nokwipaya, tulye tusekelele!

Luka 15:25

“Pali njilya nshita umukulu-bantu alimwibala. Ulo alikubwela nokupalamina apepi nenanda, aumfwile ukwimba nokushana.

Luka 15:32

Nomba tulingile ukulya nokusekelela pakuti wenu ngu alifwile, kuntu nomba ali nobumi, alilubile, nomba alisangilwe.’”

Luka 15:4

“Nga umuntu umo uwamuli mwebo akwete imbelele umwanda umo, nomba imo muli nsho yaluba, findo akuchita? Kuti asha imbelele amakumi asano na ane na shisano na shine shikolya mumpanga nokuya ulo afwaya imo iilubile ukufikila ayisanga.

Luka 19:10

Pakuti Umwana wa Muntu ayishile mukufwaya nokupulusha abaluba.”

Luka 9:60

Nomba Yesu alimwasukile ati, “Leka abafwa balokushika abafwa banabo. Nomba webo koya bwaka mukubila imbila ya bufumu bwaku Lesa.”

Yohane 11:25

Yesu asosele kuli ye ati, “Nine ukubuka nobumi. Uyo onse uuchetekela muli nebo, akuba nobumi nangu aafwa.

Yohane 5:21

Ukubati nimulya umo Bawishi babushisha abafwa nokubapela ubumi, munshila imo yenka Umwana naye akopela ubumi kubantu abo akofwaya.

Loma 11:15

Nga chakuti ukukanwa kwa Baisilaeli na Lesa kwalengele buchibusa nabantu bonse, mba chakuba shani ulo bakupokelelwa? Chakubati abafwa babuka kubumi!

Loma 12:15

Sekeleleni nabo abakosekelela, elo lileni nabo abakolila.

Loma 6:11

Munshila imo yenka mulingile ukuyilangulukila mwenka ukuti mwalifwa kububi, kuntu muli ababumi kuli Lesa muli Bashikulu Yesu Klistu.

Loma 6:13

Mwilokubomfya ichilewa chenu chimo ichamubili wenu kububi, kuntu mwipele kuli Lesa nga bantu bafuma kumfwa nokuya kubumi. Mubomfye ifilewa fyamibili yenu mukubombela Lesa imilimo yabulungami.

Loma 8:2

Pakuti ifunde lya Mupashi Wabuta ilitupela ubumi muli Klistu Yesu, lyankakula kwifunde ilyabubi nemfwa.

1 Kolinto 12:26

Nga ichilewa chimo chaumfwa ukufinya, fyonse pamo filomfwa ukufinya. Nga chapelwa umuchinshi, fyonse pamo filasekelela.

Efeso 2:1

Akale mwebo mwali abafwa pamulandu wakutanakilapo nobubi bwenu.

Efeso 2:5

Nangu twalifwile pamulandu wamabifyo esu, kuntu alitupele ubumi pamo na Klistu. Mwapulushiwe kubwanshi ubukulu bwaku Lesa.

Efeso 5:14

Pakuba ichili chonse ichibonekela apatubile chilasanguka ukusanika. Kubati nimfilya chalembwa ati, “Bukeni webo weulele, buka kubafwa, elo Klistu akukusanikila.”

Kolose 2:13

Kale mwali abafwa pamulandu wamabifyo enu, nakambi pamulandu wakuti mwali abenafyalo abatashilimunwapo kumubili. Nomba Lesa alimuleta kubumi pamo na Klistu. Alitunakilila amabifyo onse.

1 Timoti 5:6

Nomba umwanakashi chokolo nga ayibika mukutemwa amalila amuno chalo alifwile kale nangu achili umumi.

Yuda 1:12

Mba bantu bali kubati fisemba fyafiko pakulya kwenu ukwachumfwano. Bakolya namwebo ukwambula insoni pakuti bakolama ifyabubi bwabo. Bali kubati makumbi aapintwa, elo tayaletapo nemfula. Nakambi bali kubati fiti ifitatwalapo ifitwalo panshita yafiko. Mba bantu balifwa kale.

Ukufisulula 3:1

“Uutangilila ichilonganino chaku Sadisi umulembele: “Nga mashiwi aafuma kuli uyo uwakwata Imipashi yaku Lesa isano na ibili nentandala shisano na shibili. Ye akoti, Nalishiba imilimo yobe. Elo walishibikwa ukuba wabumi, kuntu walifwa kale.