Luka 14:27 - Chipangano Chabwangu

²⁷ Onse uutapintapo umutashi wakwe nokunkonka talingile ukubapo uwakusambila wanji.

Luka 14:27 ပူးပေါင်းရင်းမြစ်များ

Mateyo 10:38

Onse uyo uutapintapo umutashi wakwe nokunkonka, talingilepo ukuba uwakusambila wanji.

Mateyo 13:21

Nomba amashiwi nga tayenjilisha mumitima yabo, yekalamo bwaka inshita iinini, kuntu ulo kwayisa ubuchushi nomwalu, pamulandu wamashiwi aku Lesa, bwangu-bwangu baleka ukumfwa amashiwi nga.

Maliko 10:21

Yesu alimulolekeshe nokutemwa nokuti, “Ichikofwayikwa chimo. Koya ukashitishe ifintu fyonse ifyo wakwata. Indalama wakusangamo, ushipele kubachula, elo wakwisa kuba nobuboni kumulu, elo wise unkonke.”

Maliko 15:21

Munshila bakumenye umuntu umo, Simoni uwaku Sailini, wishi waku Alekisanda na Lufusi, alikufuma mumpanga. Eye bakakatishe ukupintilako Yesu umutashi.

Luka 14:28

Nga umo uwaku mwebo akopekanya ukwimaka ichiteba, pakubala alekala nokupenda indalama alinokuposapo pakuti abone kati alikwete indalama shakushilisha umulimo.

Yohane 19:17

Elo ayipintila nomutashi wakwe, nokuya kuchifulo ichitwa, “Fupa Lyamutwi.” (Muchihebele bati, “Gologota.”)

Imilimo ya batumwa 14:22

Balikukoselesha abachetekela ukuti bekalilile muchichetekelo. Balikubasambisha ati, “Tufwile ukupita mumachushi ayenji ukuti twinjile mubufumu bwaku Lesa.”

2 Timoti 1:12

Echo nkochulila mfi. Nangu chibe mfi, nshuumfwapo insoni iyowo pakuti ndimwishibile uyo nachetekela. Elo nalishininkisha ukuti kuti ansungisha bwino ukufikila pakasuba kabupingushi ifyo ampele ukuti nsunge.

2 Timoti 3:12

Nachine bonse abakofwaya ukuba nobumi ubwakumfwila Lesa muli Klistu Yesu, bakuchushiwa.