Luka 14:26 - Chipangano Chabwangu

²⁶ “Onse uwakwisa kuli nebo tekuti abe uwakusambila wanji, kuntu antemwe ukuchila bawishi nabanyina, abakashi nabana bakwe, bawakwe nabankashi shakwe, nangula ubumi bwakwe.

Luka 14:26 ပူးပေါင်းရင်းမြစ်များ

Mateyo 10:37

“Umuntu uwatemwesha bawishi nangula banyina ukuchila nebo talingilepo ukuba umuntu wanji. Elo na uyo onse uwatemwesha umwana wakwe umwalalume nangula umwanakashi ukuchila nebo, talingilepo ukuba umuntu wanji.

Luka 14:20

Umbi naye asosele ati, ‘Nebo naupa lelo, napamulandu ngu tanshayiseko iyowo.’

Luka 14:25

Ulo amabumba abantu alikuya pamo na Yesu, alyalukile nokuti kuli bo,

Yohane 12:25

Onse uukotemwa ubumi bwakwe akubulufya, na onse uukopata ubumi bwakwe muli nchino chalo akuba nobumi butashila.

Imilimo ya batumwa 20:24

Nomba shilanguluka ukuti ubumi bwanji buli nakantu iyowo, kuntu ichikulu chakuti nshilishe umulimo wanji, nobutumwa ubo napelwa kuli Bashikulu Yesu, ubwakubilisha Ubutumi Bwawama ubwabwanshi bwaku Lesa.

Loma 9:13

Pakuti Amalembo asosa ati, “Natemenwe Yakobe, kuntu Esau nalimupatile.”

Filipi 3:8

Nachine, ifintu fyonse mfibona ukuba ifyabwaka pamulandu wabuboni ubukulu ubo ndinabo pakwishiba ukuti Yesu Klistu Bashikulu wanji. Pamulandu wakwe, ndaposa fyonse, ukufibona kubati fisoso, ukwebati nonke Klistu,

Ukufisulula 12:11

Bawesu balichimfishe nomulopa wa Mwana wambelele, namashiwi ayachine ayo balikubilisha. Bo baliyipele ukufikapo, ichakwebati tabali kutinapo nokufwa.