Luka 14:23 - Chipangano Chabwangu

²³ Elo wishikulu amwebele umupyungi wakwe ati, ‘Koya mumisebo iyalola mumisumba namutushila tunini, ubakakatishe abantu ukuti bese benjile munanda ukuti yiwule.

Luka 14:23 ပူးပေါင်းရင်းမြစ်များ

Mateyo 21:43

Elo Yesu abebele ati, “Nkomweba ati, mwakupokwa ubufumu bwaku Lesa, elo bwakupelwa kumutundu umbi uwakutwala ifitwalo ifinenene.” [

Mateyo 5:41

Nakambi nga umushilikali akukakatisha ukumupintilako ichipe umulundu umo, umupintileko imilundu ibili.

Luka 14:22

Ulo umupyungi abwelele, asosele ati, ‘Bashikulu, ifyo mwasosa filichitikilwe, nomba ichifulo eko chili umwakwikala nabambi.’

Luka 14:24

Nkomweba ati, pabantu mbalya abakene ubwite tapakabepo nangu umo uwakwisa kulyako imitebeto yanji iyachungulo!’”

Luka 24:29

kuntu balimubweseshe nokweba ati, “Ikaleni nafwe, akasuba kaya mukuwa nemfinshi ikoyisa.” Elo ayinjile munanda nokwikala nabo.

Imilimo ya batumwa 16:15

Elo Lidiya nolupwa lwakwe balibatishiwe. Panuma asosele kuli fwebo ati, “Kati mwashininkisha ukuti nandibo nkochetekela muli Bashikulu, tulokuya mwikale kumwesu.” Elo twayile nakwe kumwakwe.

Imilimo ya batumwa 18:6

Ulo balikutalikana nokusosa ifibi pali ye, Paulo alangile ukutomfwana nabo ukupitila mukubakuntila ulukungu ukufuma kufyakufwala fyakwe nokuti, “Ala, mwayipaya mwebo mwenka! Nebo nshikwetepo umulandu iyowo. Ukutula nomba nakushimikila abenafyalo.”

Imilimo ya batumwa 28:28

Elo Paulo asosele nakambi ati, “Kachishibikwe kuli mwebo ukuti amashiwi aku Lesa achipulusho alituminwe kubenafyalo. Bo bakuya kumfwa!” [

Imilimo ya batumwa 9:15

Kuntu Bashikulu balimwasukile bati, “Koya bwaka, pantu ngu muntu nebo ndimusalile ukuti alokumpyungila, ewakwishibisha ishina lyanji kubenafyalo, kumfumu nakubena Isilaeli.

Loma 10:18

Nomba nebo nkofumba ati, napo Abaisilaeli tabalaumfwapo Ubutumi Bwawama mbu? Iyowo, balyumfwile. Kubati nimfilya Amalembo asosa ati, “Amashiwi abo, alyumfwika ichalo chonse. Elo amashiwi abo, alifikile mumpelo shachalo chonse.”

2 Kolinto 5:11

Nomba pakuti tulishibile ati Bashikulu balingile ukubatina, tulesha ukukoselesha abantu. Lesa alitwishiba ukufikapo, elo nkochetekela ukuti namwe mwalitwishiba bwino-bwino mumitima yenu.

2 Kolinto 5:20

Nomba nifwebo intumi ishakubelako Klistu. Lesa akomupapata ukupitila muli fwebo. Echo tukomupapata mwishina lyaku Klistu ukuti muwikishanye na Lesa.

2 Kolinto 6:1

Pakuti nomba tubombela pamo na Lesa, mwialula ukushuka uko Lesa amupele ukuba ukwabwaka.

Kolose 1:23

Emukuti muli nokutwalilila muchichetekelo ichayimakwa pamufula uwakosa. Mwileka nangu chimo chimusunkanye nokumufumyapo kucho mwachetekelamo lwenka ulo mwaumfwile Ubutumi Bwawama. Lesa alimpele nebo, ne Paulo, umulimo uwakushimikila Ubutumi Bwawama mbu ubukoshimikilwa kubantu bonse abamuchalo.

Kolose 1:28

Nomba tushimikila Klistu kubantu bonse, tuchenjesha nokusambishako abantu bonse pachinso chaku Lesa ukuti babe abakosa muli Klistu.

2 Timoti 4:2

ubilishe amashiwi aku Lesa. Ubilishe ulo abantu bayipekenye nolo tabayipekenye ukuyomfwa. Ubatalike, ubachenjeshe, ubakoseleshe nokubasambisha umutima-nteka.