Luka 14:15 - Chipangano Chabwangu

¹⁵ Ulo umuntu umo pali bo abali na Yesu pakulya aumfwile mfi, aebele Yesu ati, “Bakuba nokusekelela abo abakwisa kulya umutebeto Mubufumu bwaku Lesa!”

Luka 14:15 ပူးပေါင်းရင်းမြစ်များ

Mateyo 25:10

Ulo balikuya mukushita, nshibwinga alifikile. Echo bonse abayipekenye bayinjile pamo naye kumalila aabwinga. Elo nechiibi chaliselwe.

Mateyo 8:11

Abenji bakwisa ukufuma kumutule-suba nakumbonshi nokwikala pamo na Abulahamu, Isake elo na Yakobe pamutebeto mubufumu bwakumulu.

Luka 12:37

Mba bapyungi bakuba nokusekelela ulo shikulu wabo akwisa kubasanga bakololela nokuyiteyanya ulo abwela! Nachine nkomweba ati, akwisa ukufulako ikoti lyakwe lyamuchinshi nokubekalika ukuti abatebete.

Luka 13:29

Abantu bakufuma konse kumutule-suba nakumboshi, kukapinda kamulyo nakuchipiko, bakwisa kwikala pamo mukulya umutebeto mu Bufumu bwaku Lesa ubutapwa.

Luka 22:16

Nomba nkomweba ati, tanshayise kulya nenu Chakulya nchi chimbi ukufikila ulo mfi fyakuchitika mu Bufumu bwaku Lesa.”

Luka 22:30

Mwakwisa kunwa nokulya petebulu lyanji mu Bufumu bwanji. Elo mwakwisa kwikala pafipuna ifyabufumu nokupingula pamikowa ikumi na ibili ya Baisilaeli.

Ukufisulula 19:9

Penkapo umungelo alisosele kuli nebo ati, “Lemba amashiwi nga: Balishuka bantu abetwa kukusefya kuchupo cha Mwana wambelele.” Nakambi umungelo ati, “Nga mashiwi yaku Lesa ayachine.”