Luka 14:13 - Chipangano Chabwangu

¹³ Nomba ulo wawamisha ifyakulya, ita abachula, abafungauka imibili, efilema nempofu.

Luka 14:13 ပူးပေါင်းရင်းမြစ်များ

Mateyo 15:30

Amabumba aakulu abantu ayile kuli Ye. Amutwalile abantu abalemene, impofu, bachibulu nabalwele bambi abenji, balikubabika apali Yesu. Naye alikubaposha.

Mateyo 22:10

Nachine abapyungi bayile mumisebo nokulonganya pamo bonse bo basangile, ababi nabaweme. Elo nenanda yamutebeto yaliwilemo abantu abenji.

Luka 11:41

Nomba peleni ifili munkombo namumbale kubachula, epo nefintu fyonse fyakuba ifiweme kuli mwe.

Luka 14:12

Yesu asosele kuwamwitile mukulya ati, “Ulo watebeta ifyakulya fyakasuba nangula ifyachungulo, wiyesha ukwita ifibusa fyobe, nangula bawenu, nangula abamukowa obe, nangula abena mupalamano bobe abachindama. Pakuti nabo bakwisa kukwita, namuli nji nshila wakupelelwamo fimo mufintu wabachitile.

Luka 14:14

Elo webo wakupelwa ishuko, pakuti tabakwetepo ifyakukubwesesha. Lesa akwisa kukulambula ulo abalungama bakwisa kubuka kubafwa.”

Luka 14:21

“Elo ngu mupyungi alibwelele nokweba wishikulu mfi fyonse. Umwine wananda alikalipile ukwinekantu nokweba umupyungi wakwe ati, ‘Endesha, koya mumisebo namutushila tunini utwamumusumba. Wite abachula, abafungauka imibili, impofu nefilema.’

Imilimo ya batumwa 9:39

Bwangu-bwangu Petulo ayipekenye nokuya nabo. Ulo afikile, bamutwite muchipinda chapamulu. Bamukamfwilwa bonse balimushingulukile Petulo. Balikulila nokumulanga insalu namalaya ifyo Dokasi alikubila ulo ali umumi.

1 Timoti 3:2

Intanjishi yachilonganino ilingile ukuba umuntu uwambula akalema, uwaba nomwanakashi umo epela, uwamutembo, uwakuyilama, uwamuchinshi, uupokelela bwino abalwendo, elo uwayishiba ukusambisha.

1 Timoti 5:10

Elo alingile ukuba umuntu uwamichitile iiweme. Abe umwanakashi uwalikusunga bwino abana bakwe, uwakupokelela abalwendo bwino, uwalikupyungila abena Klistu mukuyichefya, walikwafwa abalikuchula, elo alikuyipela kukupyunga imilimo iiweme yonse.

Taitasi 1:8

Nomba abe uupokelela bwino abalwendo, uwatemwa ifiweme, uwayibaka, uuchita ifyalungama, uwabuta, nakambi uwatekanya.

Filimoni 1:7

We wesu ukutemwa kobe kulansekesha nokunchinchisha ukwinekantu. Elo ulasekesha nemitima yabantu baku Lesa bonse.

Hebele 13:2

Mulokwibukisha ukupokelela abalwendo mumananda yenu. Bambi abachitile mfi akale, balipokelele abangelo ukwambula ukwishiba.