Luka 13:34 - Chipangano Chabwangu

³⁴ “Yelusalemu, Yelusalemu! We wipaya abasoseshi nokulasa amabwe abatumwa baku Lesa! Ilinji line nafwayile ukulonganya abana bobe nga mfilya nyina-nkoko afukatila utwana mumapindo akwe, kuntu webo walikene!

Luka 13:34 ပူးပေါင်းရင်းမြစ်များ

Mateyo 22:3

Yatumine abapyungi bayiko ukuya kwita bo abayitilwe kumutebeto ngu, kuntu balikene ukwisa.

Mateyo 22:6

Nomba abashelepo, bayikete abapyungi bakwe, balibachushishe nokubepaya.

Luka 15:28

“Umukulu-bantu alikalipile ukwinekantu ichakuti namunanda tafwayile ukwinjilamo. Nomba bawishi balifumine nokumupapatila ukuti enjile.

Luka 19:44

Bakwisa kutobaula umusumba nokwipaya abantu bobe. Tabayise kushapo ibwe nangu limo pamulu walinakwe, pakuba tawayishibilepo inshita iyo Lesa ayishile mukukupulusha!”

Luka 23:28

Yesu achebele kunuma nokuti kuli bo, “Mwe banakashi bamu Yelusalemu! Mwindilila, kuntu muyililile mwenka nabana benu.

Imilimo ya batumwa 7:52

Musoseshi ndo uwo ifikolwe fyenu fitachushishe? Fyayipeye abalikubilisha ukwisa kwa Wasubwa waku Lesa. Boneni namwebo mwamupele kufipondo fyakwe nokumwipaya.

Imilimo ya batumwa 7:59

Ulo balikumutobaula amabwe, Sitefano alikwaula bwaka nokwita Bashikulu ati, “Bashikulu Yesu, pokeleleni umupashi wanji!”

Imilimo ya batumwa 8:1

Saulo naye alikubasuminisha ulo balikwipaya Sitefano. Ukufuma pali nkalya kasuba Abayuda batatikile ukuchusha abena Klistu abamu Yelusalemu. Echo abena Klistu bonse bapalanganine muchalo cha Yudeya necha Samaliya. Abatumwa benka ebashele mumusumba.

Ukufisulula 11:8

Elo ifitumbi fyabo fyakulala mumisebo yamumusumba uukulu, umo Shikulu wabo asamikilwe pamutashi. Ishina lyachishibilo ilyamusumba ngu ni Sodomu nangula Ijipiti.