Luka 13:28 - Chipangano Chabwangu

²⁸ Echo kukaba ukulila nokukwesanya ameno ulo mwakubona Abulahamu, Isake, Yakobe na basoseshi bonse mu Bufumu bwaku Lesa, ulo mwebo mwakuposwa panse!

Luka 13:28 ပူးပေါင်းရင်းမြစ်များ

Mateyo 13:42

Akubaposa muchimbili-mbili chamulilo. Nkulya kwakuba ukulila nokukwesanya ameno.

Mateyo 13:50

nokubaposa muchimbili-mbili chamulilo. Nkulya kwakuba ukulila nokukwesanya ameno.”

Mateyo 22:13

Elo imfumu yaebele abamilimo bakwe ati, ‘Mukakeni kumaboko nakumolu, mumupose panse pamfinshi. Kwenka uko akulila nokukwesanya ameno!’”

Mateyo 24:51

Bashikulu wakwe bakumupuma ukwinekantu. Elo bakumutamfisha kuchifulo ukusangwa abakutumpayika, uko abantu balila nokukwesanya ameno.

Mateyo 25:30

Nomba nchi chinangwa chamuntu, chiposeni panse mumfinshi, ukwakuba ukulila nokukwesanya ameno.’

Luka 10:15

Nawebo Kapenaumu, napo wasumbulwa ukufika nakumulu? Iyowo, wakwisa kuposwa mumulilo uutashimapo!”

Luka 14:15

Ulo umuntu umo pali bo abali na Yesu pakulya aumfwile mfi, aebele Yesu ati, “Bakuba nokusekelela abo abakwisa kulya umutebeto Mubufumu bwaku Lesa!”

Luka 16:23

Namumanda mulya aali mukuchula ukwinekantu, kumulilo uutashimapo. Echo ayinwine ichinso chakwe nokubona Abulahamu, ali apatali, na Lasalo ali kulubali lwakwe.

2 Tesalonika 1:5

Fyonse mfi filanga bwaka ukuti ubupingushi bwaku Lesa bwachine. Elo chamulinga mwebo ukuba abamubufumu bwaku Lesa ubo mukochulilamo nomba.

2 Petulo 1:11

Elo mwakwisulilwa umulyango uwakwinjilila mubufumu ubutashilapo ubwaku Bashikulu na Mupulushi wesu, Yesu Klistu.

Ukufisulula 21:8

Nomba abamwenso, abatachetekelwapo, abafwaya ifyabunani, bakepaya, ababulale-lale, indoshi, abalomba tungosa wakubasa, nabonse ababufi. Ichifulo chabo nimuli bemba wamulilo uwaka nasilubale. Nji emfwa yachibili.”

Ukufisulula 22:15

Nomba panse yamusumba paba imbwa, indoshi, ababulale-lale, ifipondo, abalomba tungosa wakubasa nambalya abatemwa nokuchita ifyabufi.