Luka 13:15 - Chipangano Chabwangu

¹⁵ Elo Bashikulu balimwasukile ati, “Mwe bakutumpayika! Kanshi mukati kenu tekuti mukakulepo ing’ombe yenu nangula punda wenu mwichinka nokuyitwala mukunwa amenshi pakasuba ke Sabata?

Luka 13:15 ပူးပေါင်းရင်းမြစ်များ

Mateyo 15:14

Balekeni bwaka, nimpofu ishitanjilila impofu shinabo. Kati impofu ikotanjilila impofu inakwe, shonse shibili shingawila muchilindi.”

Mateyo 15:7

Mwe bakutumpayika mwe, umusoseshi Esaya alilungikile ulo asosele pali mwe ati,

Mateyo 23:13

“Ishamo kuli mwebo mwe basambishi ba Mafunde na Bafalisi, mwe bakutumpayika! Mulesala pamulyango wabufumu bwakumulu pakuti abantu bayinjilamo. Namwe tamwinjilamo, elo nabo abakofwaya ukwinjilamo mulabakanya. [

Mateyo 23:28

Munshila imo yenka, namwe efyo mwaba: panse mulaboneka abalungama, kuntu mukati kenu mwayiulamo ukutumpayika nobubi bonse.

Mateyo 7:5

We wakutumpayika we! Bala uyishibule ichipande ichili mulinso lyobe, elo wakulolesha bwino nokufunya akapande akali mulinso lyakuwenu.

Luka 12:1

Munshita njilya, ulo amakana namakana yabantu balongene pamo ichakwebati balikunyantana, Yesu abalile ukusosa kubakusambila bakwe ati, “Chenjeleni nemimena ya Bafalisi abakutumpayika.

Luka 14:5

Elo Yesu asosele kuli bo ati, “Kati umo uwaku mwebo ali nomwana umwalalume nangula intungu, elo nga chakuti chimo ichaku mfi chawila muchilindi pe Sabata, napo tekuti muye bwangu penka pe Sabata nokumufumyamo?”

Luka 6:42

Elo kuti wasosa shani kuli wenu ati, ‘Leka mfumye akapande akali mulinso lyobe,’ ulo mulinso lyobe muli ichipande? We wakutumpayika we! Bala uyishibule ichipande ichili mulinso lyobe, elo wakulolesha bwino nokufumya akapande akali mulinso lyakwa wenu.

Luka 7:13

Ulo Bashikulu bamubwene, umutima wabo wayiketwe nenkumbu. Basosele kuli banyina ati, “Wilila.”

Luka 7:19

nokubatuma kuli Bashikulu Yesu mukufumba ati, “Napo niwe basosa ukuti alinokwisa nangula tuli nokulindilila umbi?”