Luka 13:14 - Chipangano Chabwangu

¹⁴ Nomba umukulu uwamunanda iyo alikalipile pantu Yesu aposeshe umuntu pe Sabata. Epo asosele kubantu ati, “Kwaba inshiku shisano nabumo isho tulingile ukupyunga, iseni muli nshilya nshiku mukuposheka, kuntu pe Sabata tepopo!”

Luka 13:14 ပူးပေါင်းရင်းမြစ်များ

Mateyo 12:2

Ulo Abafalisi babwene mfi, basosele kuli Yesu ati, “Boneni! Abakusambila benu bakochita ichitasuminishiwa Mumafunde pakasuba ke Sabata!”

Maliko 5:22

Epo kwayishile umuntu umo uwabakulu bamunanda yakulombelamo Lesa, uwali kwitwa Yayilo. Pakubona Yesu, amufukamine

Luka 6:11

Nomba bo balikalipile ukwinekantu nokutatika ukusoshanya ifyakuchita Yesu.

Luka 6:7

Bambi abasambishi ba Mafunde na Bafalisi balimulolekeshe Yesu ukuti babone nangula kuti aposha umuntu pe Sabata pakuti basange umulandu wakumutendekelapo.

Luka 8:41

Elo umuntu uwalikwitwa Yayilo ayishile. Ali umukulu wananda yakulombelamo Lesa. Elo afukeme pamakasa aku Yesu nokumupapatila ukwebati aye nakwe kunanda yakwe,

Imilimo ya batumwa 13:15

Ati bapwe ukupenda Amafunde akwa Mosesi nabasoseshi, abakulu bachilonganino basosele kuli bo ati, “Mwe bawesu, kati mulipo namashiwi yakukoselesha abantu, soseni.”

Imilimo ya batumwa 18:17

Bwangu-bwangu bonse batatamwine umwalalume uwalikwitwa Sositenesi, umukulu wananda yakulombelamo Lesa, nokumupamina penka pachilye. Nomba Galiyo tasakamenepo pali nchi nangu panini.

Imilimo ya batumwa 18:8

Elo umwalalume uwalikwitwa Kilisipasi, umukulu wananda yakulombelamo Lesa, naye alichetekele muli Bashikulu pamo nabamunanda yakwe bonse. Ulo abena Kolinto abenji baumfwile ukusambisha kwakwa Paulo, balichetekele nabenji balibatishiwe.

Loma 10:2

Nalishininkisha ukuti bayipela kuli Lesa, kuntu mukuyipela kwabo tamwabamo amano enenene.