Luka 12:5 - Chipangano Chabwangu

⁵ Nomba nkomulanga uwo mulingile ukutina. Tineni Lesa pantu Ye panuma yakwipaya umubili ali nefiso fyakumuposa mumulilo utashima. Ina, Eye mulingile ukutina.

Luka 12:5 ပူးပေါင်းရင်းမြစ်များ

Mateyo 10:28

Mwitinapo abo abepaya umubili, kuntu tabakwetepo ifiso ifyakwipaya umupashi. Echo tineni uyo uwipaya umubili pamo nomupashi mumulilo uutashimapo.

Mateyo 25:41

“Elo akweba abakuba kuchipiko ati, ‘Fumeni mpa, mwe bashama. Kamuya mumulilo uutashimapo uwo Lesa apekanishishe Satana nabangelo bakwe.

Mateyo 25:46

Elo bakuya mumachunshi aamuyayaya, kuntu abo abasekeshe Bashikulu bakwinjila mubumi butapwa.”

Mateyo 5:22

Nomba nebo nkomweba ati, onse uwakalipila wabo akutwalwa mukulubulula. Noyo uwakweba wabo ati, ‘We chipuba we,’ akuba nomulandu kunsaka yamilandu iikulu. Nomba uwakweba wabo ati, ‘We chinangwa we!’ Ye alingile ukumuposa mumulilo uutashimapo.

Maliko 13:23

Nomba mwebo muchenjele. Namwebela kabela ulo ifuntu fyonse mfi afitalachitika.

1 Tesalonika 4:6

Pali nchi umuntu uuli onse talingilepo kulufyanya nokubepa umunakwe. Kubati nimfilya twamukonkobeshe kale, Lesa akulandula bonse abakochita mfi.

Hebele 10:31

Chintu ichitinya ukuponena mumaboko aku Lesa wabumi!

2 Petulo 2:4

Pakuba Lesa talekelele abangelo ababifishe mbalya, kuntu alibaposele muchibembela chamulilo, muchilindi chamfishi uko bakakilwe ukulindila ukupingulwa.

Ukufisulula 14:7

Umungelo ngu alibilikishe neshiwi ilikulu ati, “Chinshikeni Lesa nokumutondayisha pakuti inshita iyakupingula abantu ilifikile! Mumulombe uwalengele umulu, ichalo, bemba notumfuku-mfuku twamenshi.”

Ukufisulula 15:4

Bashikulu, mba ninani ushingamutinapo, nokuchinshika ishina lyenu? Pakuti nimwebo mwenka mwe babuta. Imitundu yakwisa ukuti imulombe pakuti imilimo yenu ililungeme, nabantu bonse balibwene.”

Ukufisulula 20:14

Penkapo imfwa nechifulo chabafwa fyaposelwe muli bemba wamulilo. (Bemba wamulilo ngu emfwa yachibili.)