Luka 12:48 - Chipangano Chabwangu

⁴⁸ Nomba umupyungi uuteshibapo ifyo wishikulu afwaya, kuntu alachita ifintu fimbi ifilingile ukuti apumwe ifikoti, bakwisa kumupela umulandu nokumupuma ifikoti panini. Uuli onse uwapokelela alingile ukubwesha ifinji, elo ngulya uwapelwa ukusunga naye alingile ukubwesha ifinji ukuchilapo.

Luka 12:48 ပူးပေါင်းရင်းမြစ်များ

Mateyo 13:12

Pantu uyo uukwetepo tunini, akapokwa noto akwete.

Mateyo 23:14

Ishamo kuli mwebo mwe basambishi ba Mafunde na Bafalisi, mwe bakutupayika! Mulalila bamukamfwilwa amasuku pamitwi pabuboni bwabo nokuchenjeleka abantu pakulomba kwenu ukutali! Echo Lesa akumupelelapo umulandu ukulu.]

Luka 12:41

Elo Petulo asosele ati, “Bashikulu, kanshi nifwebo fwenka mukososela nchi chelusho, nangula nikubantu bonse?”

Luka 12:49

“Nalisa mukukosha umulilo muno chalo. Nomba nalikufwayisha ukuti ngu mulilo ulokwakile kale!

Luka 16:2

Elo nomba alimwitile nokumweba ati, ‘Mba chindo nchi nkoumfwa pali we? Njeba bwino-bwino ifyo usunga ububoni bwanji pantu tawabepo umubomfi nakambi.’

Yohane 15:22

Nga chakuti nshayishile nokusosa nabo nga tabali nako ukubifya. Nomba tabakwetepo ichakusosa pakubifya kwabo.

Imilimo ya batumwa 17:30

Ukuba Lesa alisulako kufintu abantu balikuchita panshita iyo batamwishibilepo, kuntu nomba akofwaya abantu mpanga yonse ukuti balapile.

1 Timoti 1:11

Ichisambililo nchi chikosangwa mu Butumi Bwawama ubo Lesa uwamuchinshi nakambi uwashuka ampele.

1 Timoti 1:13

Nangu chingaba ati nalikumusalula, kumuchusha, elo nokumutuka. Nomba Lesa alimbele inkumbu, pantu nshayishibilepo ifyo nalikuchita pakuti nshakwete ichichetekelo.

1 Timoti 6:20

Timoti, usunge fyonse ifyo wapelwa. Ushe amashiwi akulakaika bwaka, ayo atapelapo umuchinshi kuli Lesa, namashiwi akutalikana awo abantu abapuneme beba ati yamano.

Taitasi 1:3

Elo panshita iilingile, afisulwile nchi mumashiwi akwe. Nomba nkosambisha amashiwi nga ukubati nimfilya Lesa Umupulushi wesu andayile.

Yemusi 3:1

Mwe bawesu, tatulingilepo bonse ukuba abasambishi iyowo. Mwalishiba ukuti fwe basambishi akutupela umulandu ukuchila abantu bambi.