Luka 12:42 - Chipangano Chabwangu

⁴² Bashikulu balimwasukile ati, “Kanshi, ninani uwingaba uwakuchetekela nowamano? Ningulya uwo wishikulu akusonta ukuba umukulu pali bonse, mukuba uwakupela ifyakulya kubamilimo bonse panshita yalinga.

Luka 12:42 ပူးပေါင်းရင်းမြစ်များ

Mateyo 13:52

Naye elo abasoseshe ati, “Umusambishi uuli onse uwamafunde alisambilila amashiwi aabufumu bwakumulu, aba kubati umwine wananda uufumya muchipawo chakwe ifyabwangu nefyakale.”

Mateyo 20:8

“Ulo kwali ichingulo, umwine webala aeba kapitawo ati, ‘Kete abamilimo, ubafoleshe, ukubalila pabakulekelesha, elo ulekeleshe ukulipila abakwamba.’

Luka 12:43

Ngu mupyungi akuba uwakusekela kati wishikulu akumusanga akochita mfi ulo akubwelela kunanda!

Luka 7:13

Ulo Bashikulu bamubwene, umutima wabo wayiketwe nenkumbu. Basosele kuli banyina ati, “Wilila.”

Luka 7:19

nokubatuma kuli Bashikulu Yesu mukufumba ati, “Napo niwe basosa ukuti alinokwisa nangula tuli nokulindilila umbi?”

Imilimo ya batumwa 20:28

Echo mulokuyisunga mwebene nomukuni onse uyo Umupashi Wabuta wamupela ukwangalila. Mube bachembela bamukuni waku Lesa uyo umwine apulwishe mumfwa ya Mwana wakwe.

1 Timoti 3:15

Nomba nga nachelwa ukwisa, ifyo nalemba muli kalata nji fyakukutangilila ifyo abantu balingile ukwikala munanda yaku Lesa umumi. Chilonganino eling’umba nomufula uwafyachine ifyaku Lesa.

1 Timoti 5:17

Abakulu bachilonganino abatangilila bwino ifilonganino fyabo, balingile ukuchinshikwa ukwinekantu. Muchishepo pali bo ababilisha nokusambisha amashiwi aku Lesa.

2 Timoti 4:2

ubilishe amashiwi aku Lesa. Ubilishe ulo abantu bayipekenye nolo tabayipekenye ukuyomfwa. Ubatalike, ubachenjeshe, ubakoseleshe nokubasambisha umutima-nteka.

Taitasi 1:7

Uutungulula ichilonganino, talingilepo ukutwishikwa. Talingilepo ukuba nakalema pantu eukobona umulimo onse waku Lesa. Talingilepo ukuba nechipyu nangula chakolwa nangu uwachitala nakambi uwatemwa indalama.

Hebele 13:17

Mulokumfwila intungulushi shenu nokushikonka. Pakuti ebaletangata ubumi bwenu ukwambula ukutusha, elo bakolindila ukufisulula ifyamilimo yabo pamenso yaku Lesa. Nga mwabomfwila, bakulapyunga imilimo yabo nokusekelela. Nga tamuchitilepo mfi, bakupyunga nensoni. Elo nchi tachakamwafwepo.

Hebele 13:7

Mulokwibukisha intungulushi shenu ishalikusosa amashiwi aku Lesa. Ibukisheni ifyabaponene pamulandu wabwikashi bwabo nakambi twalilileni muchichetekelo chabo.

Hebele 3:5

Mosesi ngulya umupyungi wamunanda yaku Lesa, aali uwachishinka kubamunanda nji ukuti abe kamboni pafyo Lesa akwisa kusosa kuntanshi.

1 Petulo 4:10

Chila muntu abomfye ubupe apokelele kuli Lesa mukwafwilisha banakwe. Mube kubati bakasunga ababomfya bwino ubupe bupusene-pusene ubufuma kuli Lesa.