Luka 12:32 - Chipangano Chabwangu

³² “We kabumba kanini kambelele, witina pantu ba Nshinwe balasekelela pakumupela ubu bufumu.

Luka 12:32 ပူးပေါင်းရင်းမြစ်များ

Mateyo 14:27

Bwangu-bwangu Yesu asosele kuli bo ati, “Shipeni, nine, mwitina!”

Mateyo 20:16

Elo Yesu alekelesha ukusosa ati, “Nomba abapanuma ebakuba abapantanshi, nabapantanshi ebakuba abapanuma.”

Mateyo 25:34

Elo Imfumu yakusosa kubakumulyo ati, ‘Iseni mwebo Bata bashukisha. Injileni mubufumu ubo Bata bamupekanishisha ukufuma apo ichalo chatalilwe.

Mateyo 7:15

“Chenjeleni nabasoseshi ababufi. Mba besa kuli mwe bakoboneka kubati nimbelele, kuntu mukati mimbulu iikali.

Luka 10:21

Pali njilya nshita, Yesu asekelele mu Mupashi Wabuta nokuti, “Bata, mwe Shikulu wakumulu nechalo! Nkomutotela pantu mwalanga mfi ifintu kubatasambilila ifyo mufishile kubamano nabasambilila. Ina, Bata, nchi echo mwatemenwe ukuti chichitikwe mukufwaya kwenu.

Yohane 18:36

Yesu alyasukile ati, “Ubufumu bwanji tabuli bwamuli nchino chalo. Abuba bwapanonshi, abalumbwana banji nga balimine mukulwa pakuti nintwalwa kubakulu ba Bayuda. Nomba ubufumu bwanji tabuli bwapanonshi iyowo.”

Imilimo ya batumwa 20:28

Echo mulokuyisunga mwebene nomukuni onse uyo Umupashi Wabuta wamupela ukwangalila. Mube bachembela bamukuni waku Lesa uyo umwine apulwishe mumfwa ya Mwana wakwe.

Imilimo ya batumwa 20:29

Ukuba ndishibile ukwebati nga naya, imimbulu iikali yakumwinjilila nokutapa umukuni waku Klistu.

Loma 6:23

Pakuti amalipilo abubi, nimfwa kuntu ichabupe chaku Lesa bumi butapwa muli Bashikulu Yesu Klistu.

1 Kolinto 1:21

Pakuba mumulangwe wakwe, Lesa apekenye kabela ukwebati abantu bemwishiba mumulangwe wabo. Nomba Lesa chamuwamine ukwebati apulushe abantu abachetekela ukupitila mumashiwi awo balanguluka ukuba aapuneme awo tusambisha.

Filipi 2:13

Pakuba Lesa eubombela muli mwebo ukuti mufwaye nokuchita ifimusekesha Ye.

2 Tesalonika 1:11

Ngu emulandu twamulombelako kuli Lesa ukuti mube abalinga mubwite bwenu. Elo tukolomba ukuti, mufiso fyakwe, amukoseleshe ukuchita ifiweme fyonse ifyo mukokabila ukuchita muchichetekelo chenu.

2 Tesalonika 1:5

Fyonse mfi filanga bwaka ukuti ubupingushi bwaku Lesa bwachine. Elo chamulinga mwebo ukuba abamubufumu bwaku Lesa ubo mukochulilamo nomba.

Hebele 12:28

Pakuti twapokelela ubufumu ubutasunkanapo, tulokutotela Lesa. Tumulombe mukutemwa, mumuchinshi nokutina.

Yemusi 2:5

Umfweni mwe bawesu abatemwekwa! Napo Lesa tasalilepo abo ababoneka abachushi kubantu ukuti bakabe abasambashi muchichetekelo chabo? Napo tabasalilepo ukuti bapokelele ishuko ilyo alayile ukupela abamutemwa?

2 Petulo 1:11

Elo mwakwisulilwa umulyango uwakwinjilila mubufumu ubutashilapo ubwaku Bashikulu na Mupulushi wesu, Yesu Klistu.

Ukufisulula 1:6

Ye atupangile ukuba bashamfumu ukuti tupyungile Lesa Wishi kubati bachipupila. Kube umuchinshi nefiso kuli Yesu Klistu inshita shonse. Ameni.

Ukufisulula 22:5

Takwakabepo nakambi ubushiku iyowo. Abantu tabakafwayepo ukusanika kwanyali nangu ukwakasuba pakuti Bashikulu Lesa umwine akuba ukusanika kwabo. Elo nabo bakutungulula umuyayaya.