Luka 12:28 - Chipangano Chabwangu

²⁸ Nomba nga Lesa alafwika mfi amaluba amumpanga aaliko lelo mailo aposwa mumulilo, napo mwebo tekuti amufwikepo ukwinenene? Mwe bachichetekelo ichinini!

Luka 12:28 ပူးပေါင်းရင်းမြစ်များ

Mateyo 14:31

Bwangu-bwangu Yesu alimwikete nokusosa kuli ye ati, “Webo we wachichetekelo chinini! Nindo wakayikila mumutima?”

Mateyo 16:8

Nomba Yesu alishibile ifyo balikusoshanya. Elo abafumbile ati, “Mwe bantu bachichetekelo chinini! Findo ifyo mukososhanya mwati, tatukwetepo imifuba?

Mateyo 17:17

Yesu alibasukile ati, “Mama wesu ee, mwe nkulo iibipile neyitachetekelapo! Kanshi nakwikala nenu ukufika lwisa? Nkoshipikisha nenu ukufika lwisa? Temulandupo, letenipo umulumbwana kuli ne!”

Mateyo 17:20

Naye abebele ati, “Pantu ukuchetekela kwenu kunini. Nachine nkomweba ati, nga mwakwata ichichetekelo kubati kaluseke kamasitadi, kuti mwaeba ulupili ndu ati, ‘Telela nkulya!’ Nalo kuti lwatela, tekuti kube nangu chimo icho ichingamukanga.”[

Mateyo 6:30

Nomba Lesa nga alafwika mfi amaluba aamumpanga aaliko lelo, mailo aposwa mumulilo, napo mwebo tekuti amufwikepo ukwinenene? Mwe bachichetekelo ichinini!

Mateyo 8:26

Elo Yesu aabasukile ati, “Mwe bakuchetekela kunini! Mba nindo mwabela nomwenso?” Elo ayimakene nokukalipila ichipupu namatamba, nafyo fyalitalele chelele!

Luka 8:25

Elo Yesu afumbile abakusambila bakwe ati, “Nga ichichetekelo chenu chili kwisa?” Nomba bo balishimbilwe nokuba nomwenso uukulu. Balifumbene bati, “Nga yu muntu aba shani uwakuti aeba ichipupu namatamba neshiwi bwaka, nokumumfwila fyamumfwila?”

Hebele 6:7

Elo Lesa alashukisha ibala pakupokelela imfula inshita ishinji nokukusha imbuto ishisekesha abalimi.

1 Petulo 1:24

Amalembo asosa ati, “Abantu bonse bali kubati isani, umuchinshi wabo uli kubati maluba. Isani liloma, namaluba alalukutila panshi,