Luka 12:21 - Chipangano Chabwangu

²¹ Epo Yesu ashilishe nchi chelusho ati, “Efyo chaba kubantu abayilonganishisha ububoni, kuntu tebasambashi kuli Lesa.”

Luka 12:21 ပူးပေါင်းရင်းမြစ်များ

Luka 12:33

Shitisheni fyonse ifyo mwakwata nokupela indalama kubachula. Muyiwamishe mwebene ifikwama ifitasapuka, nakambi musungile ichuma chenu kumulu uko tachingachepa, pantu umung’o tekuti afikeko nefinamumpapila nafyo tekuti bufyonaule.

Luka 16:11

Nga tamukoba abachetekelwapo pakusunga ububoni bwamuchalo, mba kuti mwaba abakwebesha shani pakusunga ububoni bwinenene?

Luka 6:24

“Yangwee kuli mwebo mwe basambashi banomba, pakuti mulikele mubwanalale.

Loma 2:5

Nomba webo waba nomutima uukosele too, uutapilibukapo. Echo ukoyilundulwilako ubukali bwaku Lesa ubo akwisa kulanga pali nkalya kasuba mukupingula kwakwe ukwalungama.

2 Kolinto 6:10

Balatulinga abantu abansoni, nangu tuli basekelela inshita shonse. Balatulinga abachula, nangu tulenga abenji ukuba abachindami. Balatulinga abatakwetepo akantu, nangu tulikwete fyonse.

1 Timoti 6:9

Nomba abantu abafwaya ububoni ubwinji, balawila mukweshekwa nakambi balekatwa kuchitembo ichalunkumbwa ulupusene-pusene ulwabupuba ulo ulubaposa mufibi.

Yemusi 2:5

Umfweni mwe bawesu abatemwekwa! Napo Lesa tasalilepo abo ababoneka abachushi kubantu ukuti bakabe abasambashi muchichetekelo chabo? Napo tabasalilepo ukuti bapokelele ishuko ilyo alayile ukupela abamutemwa?

Ukufisulula 2:9

Ye akoti, Nalishiba ifikuchusha nobupina bobe, nangu ichine-chine uli mukankala. Nalishiba nakambi ifyo bakufyenga bo abasosa ukuti Bayuda, kuntu bachilonganino chakwa Satana.