Luka 12:11 - Chipangano Chabwangu

¹¹ “Ulo bakumutwala mumananda yabo ayakulombelamo Lesa mukumulubulusha nangula kumafumu, nangula bakateka, mwilokusakamanapo umwakuya mukusosela pakuyichinjililako.

Luka 12:11 ပူးပေါင်းရင်းမြစ်များ

Mateyo 23:34

Echo nkamutumina abasoseshi, abantu bamulangwe nabasambishi. Bambi mwakubepaya nokubasamika pamutanshi. Bambi nabo mwakubapamina munanda yenu iyakulombelamo Lesa, nokubachusha mukubachilausha ukufuma mumushi nomushi.

Mateyo 6:25

“Nachine nkomweba ati, mulokusakamanapo pabumi bwenu mwati, nindo tukolyapo, nangula, nindo tukonwapo? Nangula napamubili wenu mwati, nindo tukofwalapo? Napo ubumi tabwachindamapo ukuchila ifyakulya? Napo umubili nawo tawachilapo pafyakufwala?

Mateyo 6:27

Mba ninani uwamuli mwe mukusakamana kwakwe engalundapo nangu akasuba kamo kubumi bwakwe?

Mateyo 6:28

“Findo mukosakamanina pafyakufwala? Boneni amaluba aamumpanga ifyo akula! Yo taabombapo nangula ukupikula insalu shakufwala iyowo.

Mateyo 6:31

“Kanshi mwilokusakamanapo mumitima yenu mwati, ‘Nindo tukolya? Nangula, nindo tukonwa? Nangula mwati, nindo tukofwala?’

Mateyo 6:34

Kanshi mwilokusakamanapo pafyakasuba kamayilo. Ifyamayilo fyamayilo. Akasuba kamo kali nobuchushi ubwakako.

Luka 12:22

Nakambi Yesu asosele kubakusambila bakwe ati, “Mulokusakamanapo pabumi bwenu mwati, ‘Nindo tukolyapo,’ nangula pamubili wenu mwati, ‘Nindo tukofwalapo?’