Luka 12:1 - Chipangano Chabwangu

¹ Munshita njilya, ulo amakana namakana yabantu balongene pamo ichakwebati balikunyantana, Yesu abalile ukusosa kubakusambila bakwe ati, “Chenjeleni nemimena ya Bafalisi abakutumpayika.

Luka 12:1 ပူးပေါင်းရင်းမြစ်များ

Luka 11:44

Ishamo kuli mwe! Mwebo muli kubati nimanda ishitabikwapo ifishibilo, isho abantu bendapo ukwambula ukwishiba.”

Luka 12:56

Mwe bakutumpayika mwe! Kuti mwalolesha pachalo nakumulu nokubona ifyo fikoaluka, findo ifyo mutangeshibilapo ifyanjino nshita?

Luka 5:1

Ubushiku bumo Yesu ayimakene mumbali yachishiba ichikulu icha Genesaleti. Abantu abenji bali kumufininkisha ukuti bomfwe amashiwi aku Lesa.

Luka 5:15

Nomba umunkunta waku Yesu walyumfwikile konse-konse, namabumba abantu ayishile kuli Ye mukumfwa nokuposhewa kumalwele abo.

Luka 6:17

Ulo Yesu atentemukile ulupili nabatumwa bakwe, ayimakene pachifulo apaselebele, nebumba ilikulu ilyabakusambila bakwe. Abantu bambi bafumine muchalo chonse cha Yudeya namumusumba wa Yelusalemu. Bambi nabo bafumine mumishi ya Tule na Sidoni iyaba mumbali yaku bemba.

Imilimo ya batumwa 21:20

Ulo baumfwile mfi bonse balitotela Lesa. Elo baebele Paulo ati, “Wabona ifyo chili we mukwasu, ifyo Abayuda bali imyanda nemyanda bachetekele Yesu. Mba baliipele ukufikapo ukulama Amafunde aku Lesa.

1 Kolinto 15:3

Pakuba amashiwi aakulu ayo namusambishe eyekayo nandibo napokele. Amashiwi nga yakwebati Klistu afwilile amabifyo esu kubati ifyo Amalembo asosa.

Hebele 12:22

Nomba mwebo mwafika ku Lupili lwa Sioni, kumushi waku Lesa uwabumi, e Yelusalemu wakumulu, ukwaba chinkupiti wabangelo.

Yemusi 3:17

Nomba umulangwe uufuma kumulu waba uwalungama ukufikapo, elo wamutende, uwafuuka, tautalikishanya, uwayiwula nenkumbu, elo nemilimo iiweme. Taukwetepo akapatulula nangu ukutumpayika.

1 Petulo 2:1

Echo posenipo ububi bonse, ubuchenjeshi bonse, bumbi-munda, mufimbila, nolwambo ululi lonse.