Luka 11:49 - Chipangano Chabwangu

⁴⁹ Pali ngu mulandu, Lesa mumulangwe wakwe, asosele ati, ‘Nkoyisa kubatumina abasoseshi nabatumwa bambi bakubepaya, elo bambi nabo bakubachusha.’

Luka 11:49 ပူးပေါင်းရင်းမြစ်များ

Mateyo 22:6

Nomba abashelepo, bayikete abapyungi bakwe, balibachushishe nokubepaya.

Luka 11:48

Ekwebati mwebo mukosuminisha nokushininkisha ifyachitile ifikolwe fyenu, fyayipeye abasoseshi elo mwebo mulemaka inshinshi shabo?

Luka 24:47

Elo mwishina lyakwe ubutumi bubilishiwe kubantu bamitundu yonse ukutatika mu Yelusalemu ukuti balapile ukwebati Lesa abanakilile.

Yohane 16:2

Bakumufutwila kunse yamananda yakulombelamo Lesa. Mwandi inshita ikoyisa iyakuti abantu bakamwipaya nokulanguluka ukuti emo bakobombela Lesa imilimo iiweme.

Imilimo ya batumwa 1:8

Nomba ulo Mupashi Wabuta wakwisa palimwe, nachine mwakukwata ifiso ifyakuba bakamboni banji mu Yelusalemu, mu Yudeya monse, pamo namu Samaliya, kufikila nakumpelo yachalo chonse.”

Imilimo ya batumwa 11:27

Muli nji nshita abasoseshi bambi bafumine ku Yelusalemu nokuya ku Antiyoki.

Imilimo ya batumwa 22:20

Nandulya balikwipaya Sitefano kabilisha wenu, nandibo epo nali, nalikubasuminisha. Elo nine nasungile ifyakufwala ifya mbalya abalikumwipaya.’

Imilimo ya batumwa 7:57

Pakumfwa mfi, bashichilye bayimishe amashiwi nokuchilika amatwi yabo, bamufukukile bonse pamo.

Imilimo ya batumwa 8:3

Nomba Saulo alikoselepo ukonaula ichilonganino chabena Klistu chonse. Elo alikwinjila namumananda abo, nokwikata abalalume nabanakashi, nokubaposa muchifungo.

1 Kolinto 1:24

Nomba kuli bo Lesa ayitile, Abayuda nabenafyalo, balishibile ukuti Klistu efiso fyaku Lesa nomulangwe waku Lesa.

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

Efeso 4:11

Eye uwapele ifyabupe kubantu. Apele bambi ukuti babe abatumwa, bambi abasoseshi, bambi bakabilisha, bambi bachembela nabasambishi.

Kolose 2:3

Muli Ye emwafishilwa ububoni bonse ubwamulangwe namano.

Ukufisulula 16:6

Pakuti mba balitulwile umulopa wabantu baku Lesa, elo nomulopa wabasoseshi. Echo mwabapela umulopa ukuti banwe, fyenka mfi efibalingile.”

Ukufisulula 18:20

Ulokusekelela wemulu pamulandu wakonaulwa kwauko! Sekeleni mwe bantu baku Lesa, abatumwa nabasoseshi bonse pakuti Lesa nomba awonaula ngu mushi pamulandu wamfilya wachitile kuli mwebo!