Luka 11:41 - Chipangano Chabwangu

⁴¹ Nomba peleni ifili munkombo namumbale kubachula, epo nefintu fyonse fyakuba ifiweme kuli mwe.

Luka 11:41 ပူးပေါင်းရင်းမြစ်များ

Mateyo 26:11

Pantu abachula mwali kuli nabo lonse, kuntu tamwalokulipo nandibo lonse iyowo.

Mateyo 5:42

Umuntu onse uukulomba akantu umupele, noukofwaya ukwashima akantu kuli webo wimutanapo.

Maliko 7:19

Pantu tachiya mukwinjila mumutima wakwe iyowo? Umo chiya nimumala, elo panuma chifumina kunse.” (Pakusosa mfi Yesu alisuminishe ukuti ifyakulya fyonse fiweme).

Luka 12:33

Shitisheni fyonse ifyo mwakwata nokupela indalama kubachula. Muyiwamishe mwebene ifikwama ifitasapuka, nakambi musungile ichuma chenu kumulu uko tachingachepa, pantu umung’o tekuti afikeko nefinamumpapila nafyo tekuti bufyonaule.

Luka 16:9

Nakambi Yesu alipitilile mukusosa ati, “Nachine nkomweba ati, ichitileni ifibusa pabuboni bwamuchalo ukuti ulo mfi fyakupita, mwakuya kupokelelwa mumananda yamabelo.

Luka 18:22

Ulo Yesu aumfwile mfi, asosele kuli ye ati, “Eko chili ichintu chimo ichikofwayikwa ukuti uchite. Koya ukashitishe ifintu fyonse ifyo wakwata. Indalama wakusangamo, ukashipele kubachula, elo wakwisa kuba nobuboni kumulu. Epo wakwisa kunkonka.”

Luka 19:8

Naye Sakeyo alimine nokusosa kuli Bashikulu ati, “Umfweni, mwe Mfumu! Nakupela ichipande chabuboni bwanji. Fimbi mpeleko abachula, nakambi kati nalichenjelekapo umuntu uuli onse, nakumubweseshapo ukuchila imiku ine.”

Imilimo ya batumwa 10:15

Ishiwi lyasoselepo nakambi inshita yachibili ati, “Ifyo Lesa awamya, webo wilokufita ifikowesha iyowo.”

Imilimo ya batumwa 11:29

Elo abachetekela baumfwene ukuti batume ubwafwilisho kubena Klistu banabo abaku Yudeya. Umo na umo aali nokupela apo akwatile.

Imilimo ya batumwa 24:17

“Nomba ukweba ati nali kumbi kwamyaka iyinji, nali ku Yelusalemu ukutwala ifyabupe ifyabachula nokutula ifipupo.

2 Kolinto 8:12

Nga umuntu akofwaya ukupela, Lesa alapokelela mukutemwa ubupe ubo umuntu ngulya akwete. Echo tabapatikisha ukuti apele ifyo takwetepo.

Efeso 4:28

Umung’o aleke ukwiba, kuntu abomfye amaboko akwe mumilimo iiweme ukwebati angapelako abatakwetepo.

Taitasi 1:15

Kubantu abaololoka imitima, ifintu fyonse fiweme. Nomba kuli bo ababi nokutachetekela, tapapo akantu nangu akanini akaololoka pantu imitima namano yabo fibipile.

Hebele 13:16

Mwilokulabukilapo ukuchita ifiweme nokwafwilishanya pakuti mfi efipupo ifisekesha Lesa.

Hebele 6:10

Lesa mulungami. Tekuti alabukilepo imilimo iyo mwapyungile nechitemweko icho mwabwenesha mukwafwilisha nkulya mwachitile nanku mukochita kubena Klistu banenu.

Yemusi 1:27

Ukulomba ukwachine nokwafikapo pamenso aku Lesa Bata ninku ukwakuti umuntu asunge banshiwa nabamukamfwilwa pakuchula kwabo, elo nokuyisunga ukutina ukwebati ububi bwapanonshi bwimukoweshapo.