Luka 11:15 - Chipangano Chabwangu

¹⁵ Nomba bambi abamwibumba baebele ati, “Ni Belesebule, umukulu wa mipashi iibi, ewamupela Yesu ifiso fyakutamfishako ifibanda.”

Luka 11:15 ပူးပေါင်းရင်းမြစ်များ

Mateyo 10:25

Chiweme ukwebati uwakusambila alingane nomusambishi wakwe, elo umusha naye alingane nabashikulu bakwe. Kati umukulu wananda bamwita ati ni Belesebule, palibufi abamunanda yakwe?

Mateyo 12:22

Elo abantu baletele kuli Yesu umuntu uwali impofu nabuchibulu pantu ali nomupashi uubi. Elo Yesu alimuposeshe, naye atatikile ukusosa nokubona.

Mateyo 4:24

Ululumbi lwakwe lwalitulikile muchalo chonse icha Siliya. Elo abantu batwite kuli Yesu bonse abalikulwala amalwele aapusene-pusene, abayiketwe imipashi iibi, abachinkoni-nkoni, nababulebe, bonse kabaposha.

Mateyo 9:34

Nomba Abafalisi basosele ati, “Akofumya imipashi nji mwishina lyamukulu wamipashi iibi.”

Yohane 10:20

Abenji abaku bo balikweba ati, “Ngu muntu ali nomupashi uubi, alifuntile! Mba nindo mukokutikilako?”

Yohane 7:20

Elo ibumba lyabantu lyamwasukile ati, “Muli umupashi uubi muli we! Mba nibani bakofwaya ukukwipaya?”

Yohane 8:48

Abayuda bafumbile Yesu ati, “Napo tatulungikilepo ulo tweba ati, ‘Uli mwina Samaliya nakambi mwaliba umupashi uubi muli we?’”

Yohane 8:52

Abantu bamusoseshe ati, “Nomba twayishiba nachine ukuti alikwete umupashi uubi. Pantu Abulahamu alifwa, nabasoseshi balifwa, kuntu webo ukoeba ati uyo muntu uwakumfwa ukusambisha kobe takafwepo.