Luka 11:13 - Chipangano Chabwangu

¹³ Nomba nga mwebo mwe babi mfi mwalishiba ukopela abana benu ifiweme, mba Bawishinwe aba mumulu kuti bafilwa shani kupela Umupashi Wabuta kuli bo abakomulomba!”

Luka 11:13 ပူးပေါင်းရင်းမြစ်များ

Mateyo 5:16

Efyo bwenesheni ukusanika kwenu pamenso abantu ukuti babone imilimo yenu iiweme, ukwebati bachinshike Bashinwe bamumulu.

Mateyo 5:45

Nga mwachita mfi, mwakuba abana abenenene abaku Bawishinwe abakumulu. Pakuba bo ebalenga akasuba ukutula pabaweme napababipile. Elo balalosha nemfula pabaweme napababipile.

Mateyo 6:14

“Kati mukobanakilila abantu imilandu yabo, Bawishinwe bakumulu bakumunakilila namwe.

Mateyo 6:30

Nomba Lesa nga alafwika mfi amaluba aamumpanga aaliko lelo, mailo aposwa mumulilo, napo mwebo tekuti amufwikepo ukwinenene? Mwe bachichetekelo ichinini!

Mateyo 6:32

(Fyonse mfi efyo abantu abatayishibapo Lesa babikapo imitima yabo.) Nomba mwe mwishibe ukwebati Bawishinwe bakumulu balishiba ati fyonse mfi mulafikabila.

Mateyo 7:11

Nomba nga mwebo mwebabi mfi, mwalishiba ukupela abana benu ifiweme, mba Bawishinwe abakumulu kuti bafilwa shani ukupela ifintu ifiweme kuli bo abakobalomba?

Luka 11:12

Nangu nga amulomba ilini, elo amupela akamini?

Luka 11:2

Yesu asosele kuli bo ati, “Ulo mukolomba, mulokusosa ati, ‘Bata, ishina lyenu lichinshikwe, Ubufumu bwenu bwise.

Luka 18:7

Nga Lesa angabapela shani umulandu abapatulika bakwe, abalilila kuli Ye akasuba nobushiku ukuti abafwe? Kanshi kuti akana shani ukubafwa?

Yohane 4:10

Yesu alyasukile ati, “Nga wayishibilepo ifyo Lesa apela nokwishiba uyo uukokulomba amenshi aakunwa, nawebo nga wamulomba amenshi aabumi, naye nga akupela.”

Imilimo ya batumwa 2:38

Elo Petulo abebele ati, “Lapileni nokubatishiwa bonse mwishina lyaku Yesu Klistu ukuti munakililwe kumabifyo enu. Elo mwakupokelela Umupashi Wabuta, ubupe bwaku Lesa.”

Loma 5:17

Pamulandu wakubifya kwamuntu umo ngulya, abantu bonse balafwa. Mba chakuba shani nduno, ulo achitile ifintu ifikulu umuntu umo ngulya, Yesu Klistu? Pakuba onse uwakupokelela ukushukisha kwaku Lesa, elo nechabupe chabulungami bwakwe, akuba nobumi butapwa ukupitila muli Yesu Klistu.

Loma 7:18

Pakuti nalishiba ukwebati tamupo ichiweme mubuntunse bwanji iyowo. Pakuba nangu nkofwaya ukuchita ifilungeme, epela ndafilwa ukufichita.

Loma 8:32

Lesa alitupele Umwana wakwe umwine. Elo alimupele pamulandu wesu! Nomba kuti afilwa shani ukutupela ifintu fyonse pamo na Ye?

Taitasi 3:3

Pakuti nafwebo akale twali abapuneme, abatomfwapo nakambi abaluba. Twali abasha kulunkumbwa ulubi ululi lonse. Twalikwikala mububi nakambi twali abamufimbila. Abantu balikutupata, elo nafwebo twali kubapata.