Luka 10:7 - Chipangano Chabwangu

⁷ Ikaleni muli iyo nanda yenka, mulye nokunwa fyonse ifyo bamupela pantu umubomfi alinga ukulipilwa. Mwilokwendauka mumananda.

Luka 10:7 ပူးပေါင်းရင်းမြစ်များ

Maliko 6:10

Elo alibebele ati, “Nga mwafika mumushi, mwikale munanda umo bakumupokelela bwino ukufikila ulo mwakufumamo mumushi uyo.

Luka 10:6

Kati muli njilya nanda mwayikala umuntu uwatemwa umutende, lekeni umutende wenu ube pali ye, kati tefyopo umutende ubwelele kuli mwebo.

Luka 9:4

Konse uko bakumupokelela ikaleni muli njilya nanda ukufikila apo mwakufuminamo muli ngulya mushi.

Imilimo ya batumwa 16:15

Elo Lidiya nolupwa lwakwe balibatishiwe. Panuma asosele kuli fwebo ati, “Kati mwashininkisha ukuti nandibo nkochetekela muli Bashikulu, tulokuya mwikale kumwesu.” Elo twayile nakwe kumwakwe.

Imilimo ya batumwa 16:34

Panuma malonda atwite Paulo na Sailasi kunanda yakwe nokubapela ifyakulya. Elo ena pamo nabamunanda yakwe basekelele ukwinekantu pantu nomba balichetekela muli Lesa.

Imilimo ya batumwa 16:40

Ulo Paulo na Sailasi bafumine muchifungo, bayile kunanda yakwa Lidiya. Eko babonanine nabachetekela. Panuma yakubakoselesha, balifumineko.

Galatiya 6:6

Umuntu onse uusambilishiwa amashiwi aku Lesa alingile ukwakana ifintu fyonse ifiweme nangulya uukomusambisha.

1 Timoti 5:13

Elo belaba abanang’ani nokwendauka mumananda yabantu bambi. Tempa penka, balakwata nolwambo, balayiposa mufyabambi nokusosa ifitabalingile.

2 Timoti 2:6

Umulimi uupyungisha imilimo alingile ukupoka ifyakutatika ifyamubulimi.