Luka 10:40 - Chipangano Chabwangu

⁴⁰ Panshita nji Malita alisakamikilwe kumulimo alikupyunga, elo ayishile nokusosa kuli Yesu ati, “Bashikulu, napo tamusakamikilwepo ukuti inkashi inanji yandekelesha nenka ukubomba fyonse? Mwebeni ese angafweko!”

Luka 10:40 ပူးပေါင်းရင်းမြစ်များ

Mateyo 14:15

Ulo akasuba kawile, abakusambila bayile kuli Yesu nokusosa ati, “Boneni, akasuba kawa, namuno tuli nimumpanga. Bebeni abantu baye mumishi bakayishitile ifyakulya.”

Mateyo 16:22

Ulo Petulo aumfwile mfi, abulile Yesu nokuya nakwe pambali, atatikile ukumwebaula ati, “Iyowo Bashikulu! Nchi tachamuchitikilepo!”

Maliko 3:21

Nomba ulo balupwa lwakwe baumfwile, balimine nokuya kumufumyako pakuti babebele ati, “Afunta.”

Luka 10:38

Ulo Yesu nabakusambila bakwe bali palwendo lwabo, bayishile kumushi umo uko umwanakashi uwalikwitwa Malita alikwikala. Elo umwanakashi ngu amupokelele munanda yakwe.

Luka 10:41

Bashikulu bamwasukile ati, “Webo Malita wasakamikwa nokufito umutima pafintu ifinji,

Luka 12:29

“Kanshi mwilokusakamanapo inshita shonse, ifyo mwakulya nakambi nefyo mwakunwa. (

Luka 9:55

Yesu alyalukile nokubakalipila.

Yohane 11:1

Kwali umwalalume umo uwalikulwala, uwalikwitwa Lasalo. Alikwikala mumushi wa Betaniya. Wali emushi uwalikwikalamo Maliya nenkashi inakwe Malita. (

Yohane 11:5

Yesu atemenwe Malita nenkashi inakwe pamo na Lasalo.

Yohane 12:2

Eko bamuwamishe ukulya kwamulalilo, Malita ewalikubapyungila. Elo Lasalo ayikele pakulya pamo na Yesu.

Yohane 6:27

Mulokubombelapo ifilyo ifyonayika, kuntu bombeleni ifyakubelelela mubumi butashilapo. Mfi efilyo Umwana wa Muntu akwisa kumupela, pantu ewo Lesa Bata basuminisha.”