Luka 10:39 - Chipangano Chabwangu

³⁹ Malita naye akwete inkashi inakwe iyalikwitwa Maliya. Eye wayikele apepi kumakasa aku Bashikulu nokumfwa kukusambisha kwabo.

Luka 10:39 ပူးပေါင်းရင်းမြစ်များ

Luka 10:42

kuntu ichikofwayikwa chimo bwaka. Pakuba Maliya asala ichintu chimo ichiweme, icho ichitayise kupokwa kuli ye.”

Luka 2:46

Pabushiku bwakulenga shitatu, eli bamusangile munanda yaku Lesa ekele pakati kabasambishi ba Mafunde, alikubakutika nokubafumba amafumbo.

Luka 8:35

Abantu balile mukubona ichachitikile. Ulo bafikile kuli Yesu, basangile umuntu uwo imipashi yafuminemo alikele mupepi na Yesu, alifwite, namano akwe alibwelelemo. Elo bonse baliiketwe nomwenso.

Yohane 11:1

Kwali umwalalume umo uwalikulwala, uwalikwitwa Lasalo. Alikwikala mumushi wa Betaniya. Wali emushi uwalikwikalamo Maliya nenkashi inakwe Malita. (

Yohane 11:19

Abena Yudeya abenji balishile mukubona Malita na Maliya, mukubashinshita pamulandu wamfwa yakwa ndume yabo.

Yohane 12:3

Elo Maliya abulile umusashi wamafuta aabwema bwawama ayapangilwe na naladi nokuyetulwila pamakasa aku Yesu. Elo ayasumwine nemishishi yakwe. Inanda yonse yayiwilemo nobwema bwamafuta aanunkila bwino ngalya.

Imilimo ya batumwa 22:3

“Nebo ndi Muyuda umwinenene. Nafyalilwe mumushi wa Tasusi muchalo cha Silisiya, kuntu nakulile muli nguno mushi wa Yelusalemu. Nali kusambilishiwa na Gamalieli. Nasambilile ukufikapo mu Mafunde yafikolwe fyesu, nakambi nali uwachinchila muli fyaku Lesa kubati nifyo muli mwebo bonse.