Luka 10:37 - Chipangano Chabwangu

³⁷ Umusambishi wa Mafunde alyasukile ati, “Ningulya uwamukwatile inkumbu.” Yesu amwasukile ati, “Koya nawebo efyo ulokuchita.”

Luka 10:37 ပူးပေါင်းရင်းမြစ်များ

Mateyo 20:28

Pakuti nangu Mwana wa Muntu umwine tayishilepo ukuti bakamupyungile iyowo, kuntu Ye ayishile mukupyungila nokupela ubumi bwakwe ukuti abantu abenji bakalubulwe.”

Mateyo 23:23

“Ishamo kuli mwebo mwe basambishi ba Mafunde na Bafalisi, mwe bakutumpayika! Mulapela ichekumi ichambewu ishinunkila bwino, nechambewu ichakuwamya ifyakulya, nomba mulasula ifinenene ifya Mafunde aku Lesa, kubati ukulungika mukulubulwisha, ukulanga inkumbu nokuba abachetekelwa. Mfi efyo mulingile ukuchita ukwambula ukusulapo fimbi.

Luka 10:36

Ulo Yesu ashilile ukusosa nchi chelusho, amufumbile ati, “Mukulanguluka kobe, ninani uwaku mba batatu uwapyungile nga mwina mupalamano waku ngu muntu uwo utupondo twawililepo?”

Luka 10:38

Ulo Yesu nabakusambila bakwe bali palwendo lwabo, bayishile kumushi umo uko umwanakashi uwalikwitwa Malita alikwikala. Elo umwanakashi ngu amupokelele munanda yakwe.

2 Kolinto 8:9

Pakuba mwalishiba ubwanshi bwaku Bashikulu wesu Yesu Klistu. Nangu bali abachindami, bayishile kuba abachula pamulandu wenu, ukwebati mukuchula kwabo, mwebo mube abachindami.

Efeso 5:2

Endeni mukutemwa kubati nimfilya Klistu atutemenwe. Ayipele pamulandu waku fwebo nga ipupo lyachena ichiweme ichisekesha Lesa.

1 Petulo 2:21

Ubwikashi mbu ebo Lesa amwitile. Pakuba Yesu naye alyumfwile ukufinya pamulandu wenu. Elo amushilile ichibwenesho ukuti mukonke.

Ukufisulula 1:5

Yesu Klistu naye amushukishe nokumupela umutende. Ye ekamboni uwakuchetekela uyo uwatatikilepo ukubuka kubafwa. Entungulushi yashamfumu shonse ishapanonshi. Yesu alitutemwa nakambi alitukakula kumabifyo yesu ayalikutukaka.