Luka 10:2 - Chipangano Chabwangu

² Elo Yesu abebele ati, “Ubulobololo bukulu, kuntu abakulobolola bache. Echo lombeni kumwine wabulobololo ukuti atume abakulobolola nabambi abakumulobolwelako.

Luka 10:2 ပူးပေါင်းရင်းမြစ်များ

Mateyo 20:1

“Ubufumu bwakumulu buli kubati muntu umo uwafumine luchelo-chelo ukuti enjishe abamilimo mwibala lyakwe ilya mpesha.

Maliko 13:34

Chaba kubati umuntu ulo talayima nokusha inanda yakwe pakuya mufyalo, kubala asha alanga abapyungi bakwe umo-umo umulimo wakwe, nokweba malonda ukulinda.

Maliko 16:15

Alibebele ati, “Kamuya mufyalo fyonse nokubilisha Ubutumi Bwawama kubantu bamitundu yonse.

Maliko 16:20

Nomba abakusambila bakwe balifuminepo nokupalangana, bayile ulo bashimikila konse-konse, na Bashikulu balikupyunga pamo nabo, nokukosha amashiwi abo mufishibilo ifyo balikuchita.]

Luka 9:1

Yesu ayitile pamo abakusambila bakwe ikumi na babili. Abapele ifiso nensambu ishakutamfya imipashi iibi nokuposha amalwele.

Imilimo ya batumwa 11:19

Abena Klistu bapalangene pamachushi ayabafikile ulo bayipeye Sitefano. Bamo bayile ku Fenisiya, Saipulasi naku Antiyoki balikubilisha ku Bayuda bwaka.

Imilimo ya batumwa 13:2

Pakasuba kamo ulo balikulomba kuli Lesa nokuyikanya ukulya, Umupashi Wabuta walibebele ati, “Mpatwileniko Banabasi na Saulo pakuti balokupyunga umulimo uwo nabetile.”

Imilimo ya batumwa 13:4

Ulo Banabasi na Saulo batuminwe no Mupashi Wabuta, bayile ku Selukiya nokupatama mubwato, nokuya ku Saipulasi.

Imilimo ya batumwa 20:28

Echo mulokuyisunga mwebene nomukuni onse uyo Umupashi Wabuta wamupela ukwangalila. Mube bachembela bamukuni waku Lesa uyo umwine apulwishe mumfwa ya Mwana wakwe.

Imilimo ya batumwa 22:21

Elo Bashikulu banjebele ati, ‘Koya bwaka, pakuba nkokutuma ukutali kubenafyalo.’”

Imilimo ya batumwa 8:4

Elo abachetekele Yesu bapalanganine impanga yonse nokubilisha Ubutumi Bwawama.

1 Kolinto 12:28

Muchilonganino Lesa alibikamo mba: pakwamba abatumwa, muchabubili abasoseshi, muchabutatu abasambishi. Abikilemo abantu abangachita ifyafiso ifikulu, abakwete ifiso ifyakuposha, bambi ifyakwafwilishako, bambi ifyakutungulula, nabambi ifyakusosa mundimi ishapusana-pusana.

1 Kolinto 15:10

Nomba pakuti Lesa alinkwatile ubwanshi, ndi kubati ifyo ndi. Elo ubwanshi bwakwe bwapangilepo akantu muli ne pakuti nalibombele imilimo ukuchila pabatumwa bonse. Nomba tenepo uwabombele, kuntu ubwanshi bwaku Lesa ubukobombela muli ne.

2 Kolinto 6:1

Pakuti nomba tubombela pamo na Lesa, mwialula ukushuka uko Lesa amupele ukuba ukwabwaka.

Filipi 2:21

Bambi bonse baposako amano pafintu ifikowamina bo, tepo ifiwamina Yesu Klistu.

Filipi 2:25

Nomba nalanguluka ukuti chiweme ukutuma wesu Epafuloditasi, umubomfi nakambi umushilikali waku Bashikulu kubati ifyo naba. Mwalimutumine ukuti ese angafwilisheko.

Filipi 2:30

Aali apepi nokufwa pamulandu wamilimo yaku Klistu. Apele ubwafwilisho ubo mwebo mwafwililwe ukumpela.

Kolose 1:29

Pakuchita nchi ndachula nokupitintika ukubomfya ifiso Klistu ampela ifibomba muli nebo.

Kolose 4:12

Epafulasi, wamwibumba lyenu, amupela umutende, nakambi mupyungi waku Yesu Klistu. Lonse alamulombelako nomutima wakwe onse ukuti Lesa alokumwafwa ukuba abena Klistu abafikapo, nakambi abachetekela ubufwayo bwaku Lesa bonse.

1 Tesalonika 2:9

Nachine mukoyibukisha ifyo twalikubombesha ulo twali namwe. Twalikubomba akasuba nobushiku ukuti takupo bwafya kuli mwebo ulo twalikubilisha Ubutumi Bwawama ubufuma kuli Lesa.

1 Tesalonika 5:12

Tukomupapata mwe bawesu, mulokuchinshika abakobombela pali mwebo, nentungulushi shenu, muli Bashikulu Yesu Klistu, nabo abakomuchenjeshako.

2 Tesalonika 3:1

Mwe bawesu, ichakupelako nkoti mulokutulombelako kuli Lesa pakuti amashiwi aku Bashikulu asalangane bwangu-bwangu, nabantu abenji bapokelele mumuchinshi ukubati ifyo mwayapokelele.

1 Timoti 4:10

Emulandu tupyungila nefiso nokulwisha, pakuti ichichetekelo chesu chaba muli Lesa uwabumi uyo uuli Mupulushi wabantu bonse, nokuchilapo abo abachetekela.

2 Timoti 4:5

Nomba webo uyilame inshita shonse. Shipikisha mukuchula. Ulokushimika Ubutumi Bwawama nokupyunga bwino imilimo yobe yonse.

Filimoni 1:1

Nine Paulo umufungwa pamulandu waku Yesu Klistu. Tuli na Timoti wesu. Twalembela webo Filimoni we mutemwekwa nomupyungi munesu muli Klistu,

Hebele 3:6

Nomba Klistu, pakuti Mwana waku Lesa, wachishinka pakutungulula abamunanda yaku Lesa bonse. Elo fwebo tuli abamunanda yakwe nga chakuti tatulekelepo ukuba abashipa nokuyitutumuna kufyo tulolela.

Ukufisulula 2:1

“Uutangilila ichilonganino chakubena Efeso umulembele: “Nga mashiwi afuma kuli uyo uwakwata intandala shisano na shibili mukuboko kwakwe ukwamulyo nokwenda pakati kafyakutekapo inyali ishagolide shisano na shibili.