Luka 10:1 - Chipangano Chabwangu

¹ Panuma yaku nchi, Bashikulu basalile abalalume bambi amakumi asano na abili nabantupo babili, nokuti batanjile babili-babili kumisumba nakufifulo fyonse umo umwine ali nokuya.

Luka 10:1 ပူးပေါင်းရင်းမြစ်များ

Luka 1:17

Ewakuntangila pantanshi yaku Bashikulu, uushipile umuntu nakambi uuli nefiso kubati musoseshi Eliya. Akwisa kuwikishanya bawishibo nabana, nakambi akwisa kulenga abaminsuula ukuti babe namalangulushi kubati ningalya ayachumfwila. Akwisa kuwamya abantu baku Bashikulu mitima ukuti babe abakubapyungila.”

Luka 1:76

“Mwandi, wemwana wanji, wakwitwa umusoseshi waku Lesa, uwapamulu pali fyonse. Wakwisa kutanjila pantanshi yaku Bashikulu, ukuya kuwamya inshila yabo.

Luka 7:13

Ulo Bashikulu bamubwene, umutima wabo wayiketwe nenkumbu. Basosele kuli banyina ati, “Wilila.”

Luka 7:19

nokubatuma kuli Bashikulu Yesu mukufumba ati, “Napo niwe basosa ukuti alinokwisa nangula tuli nokulindilila umbi?”

Luka 9:52

Elo atumine intumi pantanshi yakwe. Bayile mumushi wabena Samaliya ukuti bakamuwamishe ifintu fyonse.