Luka 1:78 - Chipangano Chabwangu

⁷⁸ Lesa wesu aba uwankumbu nowamutembo. Akwisa kutusanikila nechipulusho chakwe, kubati kutuba kwakumacha.

Luka 1:78 ပူးပေါင်းရင်းမြစ်များ

Yohane 3:16

Pakuti Lesa atemenwe abantu bonse muchalo. Echo apele Umwana wakwe uwafyalwa enka, ukuti onse uwamuchetekela efwa iyowo, kuntu abe nobumi butapwa.

Efeso 5:14

Pakuba ichili chonse ichibonekela apatubile chilasanguka ukusanika. Kubati nimfilya chalembwa ati, “Bukeni webo weulele, buka kubafwa, elo Klistu akukusanikila.”

Filipi 1:8

Lesa ekamboni wanji ukwebati ndamufuluka nomutima wanji onse, pakuba nalimutemwa kubati kutemwa kwaku Klistu Yesu umwine.

Filipi 2:1

Ubumi bwenu muli Klistu bulamukoselesha. Ukutemwa kwakwe kulamusekelesha. Muli nomutima umo mu Mupashi Wabuta. Echo mulomfwila abanenu inkumbu nechisa.

Kolose 3:12

Mwebo muli bantu baku Lesa abo atemenwe nokumusala ukuti mube abakwe. Nomba mube nenkumbu ishachine, ichikuku nobufuke, umutembo nokuteka umutima.

2 Petulo 1:19

Nomba tulishibile ukuti amashiwi aabasoseshi nga achine. Mwakuchita ichiweme nga mwayomfwila, pakuba ali kubati ninyali iisanika mumfishi kumacha ulo intandala yaluchelo yamba ukusanika mumitima yenu.

1 Yohane 3:17

Nga umuchindami abona wakwe akokabila ubwafwilisho, kuntu tamwafwile, ukutemwa kwaku Lesa kwaba shani muli Ye?

Ukufisulula 22:16

“Ninebo Yesu uutumine umungelo wanji ukuti abilishe ifintu mfi kuli mwe ifyakuchilonganino. Nebo ndiwamukowa wakwa Davide. Nine intandala isanika yakumatanda-cha.”