Luka 1:75 - Chipangano Chabwangu

⁷⁵ Ukuti tube abapatulikwa nabaololoka pamenso akwe, munshiku shonse ishabumi bwesu.

Luka 1:75 ပူးပေါင်းရင်းမြစ်များ

Mateyo 1:21

Akufyala umwana umwalalume. Elo webo wakwisa kumwinika Yesu, pakuti eukapulusha abantu bakwe kumabifyo abo.”

Luka 1:74

ukuti atupokolole kufiso fyatupondo twesu, nokumupyungila ukwambula umwenso.

Efeso 1:4

Ulo Lesa talatala ichalo, alitusalile kabela muli Klistu ukuba abantu bakwe ukwebati tube ababuta, elo abatakwetepo akalema pamenso yakwe. Pakuti alitutemwa,

Efeso 2:10

Lesa ewatubumbile. Alitulengele muli Klistu Yesu ukuti tubombe imilimo iiweme iyo Lesa apekenye kale ukuti twiichite.

Efeso 4:24

Mufwale ubumi bwabwangu ubwalengelwe muchimpashanya chaku Lesa, ubwalungama nobwabuta.

1 Tesalonika 4:1

Pakulekelesha, mwe bawesu, tukomupapata pali nchi mwasambilile kuli fwebo ifyo muli nokwikala mukusekesha Lesa. Nachine efyo mukochita. Nomba tukomupapata nefiso fyonse muli Bashikulu Yesu Klistu ukuti mulundepo ukuchita mfi.

1 Tesalonika 4:7

Pakuti Lesa taatwitilepo ukuti twikale mukubifya iyowo, kuntu mukubuta.

2 Tesalonika 2:13

Fwebo tulingile ukutotela Lesa inshita shonse pamulandu wakumwebo bawesu, mwe batemwekwa kuli Bashikulu. Pakuba Lesa amusalile ukufuma kukutatika ukuti mupuluke. Mwalipuluka pakuti Mupashi Wabuta alimuwamya. Elo panuma mwachetekele ifyachine.

2 Timoti 1:9

Ye alitupulusha nokutwita ukuti tube ababuta, tepamulandu wakuti twapyungilepo imilimo iiweme iyowo, kuntu twalitilwe ukulingana nobufwayo bwakwe. Elo alitwita muli Klistu Yesu uwatukwatile ubwanshi inshita tayilafika.