Luka 1:35 - Chipangano Chabwangu

³⁵ Umungelo amwasukile ati, “Umupashi Wabuta wakwisa pali webo, nefiso fyaku Lesa uwapulamo fyakwisa pali we. Efyo umwana uwakufyalwa akoyisa kwitwa, Umwana waku Lesa.

Luka 1:35 ပူးပေါင်းရင်းမြစ်များ

Mateyo 1:18

Ukufyalwa kwaku Yesu Klistu kwali mfi: Maliya banyina balayilwe kuli Yosefe uwafumine kumukowa wakwa Davide. Nomba ulo tabalakumana pamo, Maliya alisangilwe ali nefumo ukupitila mu Mupashi Wabuta.

Mateyo 1:20

Ulo achili akolanguluka mfi, boneni umungelo waku Bashikulu alimubwenekele muchoshi nokusosa ati, “Yosefe, we mwana wakwa Davide, witina ukubula Maliya ukuti abe umukashi obe pakuti ifumo akwete lyakupitila mu Mupashi Wabuta.

Mateyo 14:33

Epo balimulambile nokuti, “Chine-chine niwe Mwana waku Lesa.”

Mateyo 27:54

Ulo umukulu wabashilikali nambalya abo alikulonda nabo Yesu, babwene ichinkukuma nefyachitikile, balitinine ukwinekantu bati, “Nachine, ngu muntu aali Mwana waku Lesa.”

Mateyo 4:3

Epo Satana alishile nokumwesha ati, “Kati niwe Mwana waku Lesa, eba amabwe nga ukuti aaluke umufuba.”

Maliko 1:1

Nku ekwamba kwa Butumi Bwawama ubwaku Yesu Klistu Umwana waku Lesa.

Maliko 1:24

“Yangwee! Nindo ukofwaya kuli fwe, we Yesu waku Nasaleti? Napo wayishila ukutonaula? Ne ndikwishi, niwe Wabuta waku Lesa!”

Luka 1:27

Akwete amashiwi kumwanansungu uutayishiba umwalalume uwalumbililwe kumwalalume uwali kwitwa Yosefe, uwamumukowa wakwa Davide. Ishina lyangu mwanansungu ni Maliya.

Luka 1:34

Elo Maliya afumbile umungelo ati, “Ngechi kuti chaba shani pakuti nebo nshayishibapo umwalalume?”

Luka 1:36

Kubati Elisabeti umufyala obe, uyo abantu balikwita ing’umba, naye nomba alimitile mubukote bwakwe, nanguno mweshi wakulenga isano naumo.

Yohane 1:34

Lelo nayibwena nemwine, nakambi nkomweba ati, ngu e Mwana waku Lesa.”

Yohane 1:49

Natanayeli alimwasukile ati, “We musambishi, niwe Mwana waku Lesa! Niwe Mfumu yaba Isilaeli!”

Yohane 20:31

Nomba mfi fyalembwa ukwebati muchetekele ukuti Yesu e Wasubwa, Umwana waku Lesa, nokuti nga mwamuchetekela mube nobumi butapwapo.

Imilimo ya batumwa 8:36

Ulo balikuya munshila, bafikile apali amenshi. Umuntu ngulya asosele ati, “Amenshi nga, chindo chakunkanya ukubatishiwa?” [

Loma 1:4

Nomba ukubona pafyakubuta kwakwe ukwabulesa, alanga nefiso ifikulu ukuba Umwana waku Lesa ukupitila mukubushiwa kubafwa.

Galatiya 2:20

Nalisamikwa pamutashi pamo na Klistu. Echo ubumi ubo nkwete tebwakunebopo iyowo, kuntu bwaku Klistu uwaba muli nebo. Ubumi mbu ndinabo mumubili wanji bwakuchetekela mu Mwana waku Lesa uyo uwantemenwe nokupela ubumi bwakwe pamulandu uwaku nebo.

Efeso 2:3

Panshita njilya yenka nafwebo bonse twali nobumi ubwabuntunse. Twalikukonkelela ulunkumbwa lwamikalile yesu iyakutemwa ifyabipa. Twalikuchita ifili fyonse ifyo twalikufwaya. Echo, muchifyalilwa chesu, twalilingile ukupokelela ubukali bwaku Lesa nga abantu bambi bonse.

Hebele 4:15

Twalikwatapo Chipupila Mukulu uyo uutumfwilako inkumbu mukunaka kwesu. Chipupila wesu ngu alyeshekelwe munshila shonse kubati nimfilya nafwe twayeshekelwe, kuntu Ye tabifishepo.