Luka 1:32 - Chipangano Chabwangu

³² Ngu mwana akwisa kuba umukulu, nokwitika Umwana waku ngulya uwapulamo. Elo Bashikulu Lesa bakoyisa kumupela ubufumu kubati nimbulya Davide bawishi aakwete.

Luka 1:32 ပူးပေါင်းရင်းမြစ်များ

Mateyo 1:1

Umu emwakonkanina ifikolwe fyaku Yesu Klistu, umwana wakwa Davide, umwana wakwa Abulahamu.

Mateyo 12:42

Pakasuba kakupingulwa, nyina-mfumu waku Sheba akwisa kwimakana nokumupela umulandu, pantu afumine kumpela yachalo ukwisa mukumfwa ukusambisha ukwamulangwe kumfumu Solomoni. Nomba nkomweba ati, epo ali mpano uuchilile Solomoni!

Mateyo 28:18

Elo Yesu ayishile kuli bo nokusosa ati, “Ifiso fyonse fyapelwa kuli ne kumulu napanonshi.

Mateyo 3:11

Nebo nkomubatisha namenshi ichishibilo chakulanga ukuti mwalapila, kuntu uyo uwakwisa panuma yanji, akumubatisha ku Mupashi Wabuta nakumulilo. Alinchililepo ifiso. Nebo tanshilingilepo nokupinta inkwanda shakwe.

Maliko 14:61

Yesu ali chelele, nokwasuka, yii. Umukulu waku bachipupila nakambi afumba ati, “Napo webo niwe Klistu Umwana waku Lesa uwachinshikwa?”

Maliko 5:7

nokwaula neshiwi ilikulu ati, “Nindo ukofwaya kuli nebo webo Yesu, we Mwana waku Lesa Uwapulamo? Napapata, winchushapo!” (

Luka 1:15

Pantu akuba umuntu umuchindami pachinso chaku Bashikulu. Takanwepo waini nangula ifyakukola, ukufumina kukufyalwa kwakwe ifiso fya Mupashi Wabuta fyakuba pali Ye.

Luka 1:35

Umungelo amwasukile ati, “Umupashi Wabuta wakwisa pali webo, nefiso fyaku Lesa uwapulamo fyakwisa pali we. Efyo umwana uwakufyalwa akoyisa kwitwa, Umwana waku Lesa.

Luka 1:76

“Mwandi, wemwana wanji, wakwitwa umusoseshi waku Lesa, uwapamulu pali fyonse. Wakwisa kutanjila pantanshi yaku Bashikulu, ukuya kuwamya inshila yabo.

Luka 3:16

Yohane alyasukile ati, “Nebo nkomubatisha namenshi, kuntu uwakwisa alinchililepo ifiso, tanshilingilepo nokukakula ulushinga lwankwabilo shakwe. Ngu akoyisa kumubatisha no Mupashi Wabuta nomulilo.

Luka 6:35

Ala! Mulokutemwa abalwani benu nokubachitila ubune, bakongwesheni nokusulako. Mwakwisakupokelela ichilambu chenu ichikulu. Mwakwisa kuba abana baku Lesa uwapulamo pakuti Ye ali uuweme kuli abo abatatotapo nakubabi.

Yohane 12:34

Elo ibumba lyabantu lyalyasukile ati, “Mumafunde akwa Mosesi mwalilembwa ati, ‘Uwasubwa waku Lesa akwisa kwikalilila.’ Mba nishani nomba ukusosa ati, ‘Umwana wa Muntu akowamina ukusumbulwa pamutashi? Ninani uyo Mwana wa Muntu?’”

Yohane 6:69

Nomba twachetekela nokwishiba ati nimwe Uwapatulika wafuma kuli Lesa.”

Imilimo ya batumwa 16:17

Umwanansungu ngu akonkele Paulo nafwebo uku akobilikisha ati, “Nachine mba balalume bapyungi baku Lesa Mukulu Kateka wamyulu yonse. Bakobilisha amashiwi kuli mwebo ayakumulanga ifyo mwakupuluka!”

Imilimo ya batumwa 2:30

Davide ali musoseshi. Elo alishibile ukuti Lesa alimulayile pakulapa ukwebatipabana bakwe akutekapo umo pabufumu kubati nimfilya Davide aali.

Imilimo ya batumwa 2:36

“Kanshi mwe bena Isilaeli bonse mwishibe nchi ichakuti ngu Yesu uwo mwebo mwasamikile pamutashi, eye Lesa achita Imfumu no Wasubwa!”

Imilimo ya batumwa 7:48

“Nomba Lesa, Kateka wamyulu yonse, tekalapo mumananda ayemakwa neminwe yabantu kubati nimfilya umusoseshi asosa ati, ‘Lesa akoti:

Loma 1:4

Nomba ukubona pafyakubuta kwakwe ukwabulesa, alanga nefiso ifikulu ukuba Umwana waku Lesa ukupitila mukubushiwa kubafwa.

Ukufisulula 3:7

“Uutangilila ichilonganino chaku Filadelufiya umulembele: “Nga mashiwi aafuma kuli uyo Uwabuta nowachine. Alikwete ulufungulo lwakwa Davide. Engulya uwakuti nga ayisula, tapapo uwakwisala, nakambi nga ayisala, tapapo uwakwisula.