Loma 9:5 - Chipangano Chabwangu

⁵ Mba bafuma kufikolwe ifyayishibikwa ifya Bayuda. Elo Uwasubwa uyo alayile wamutundu wabo, ukusosa pafyabuntu bwakwe. Lesa uutungulula ifintu fyonse atondayishiwe lonse.

Loma 9:5 ပူးပေါင်းရင်းမြစ်များ

Mateyo 28:20

Mukabasambishe ukulama fyonse ifyo namukonkobeshe. Nandibo nalikuba namwe inshita shonse ukufikila nakumupwilo wachalo.”

Mateyo 6:13

Mwitulekelesha mukwesheka, kuntu mutupokeko kumubi.’

Luka 20:44

Davide umwine eta Klistu ati, ‘Bashikulu.’ Mba Klistu angaba shani umwana wakwe?”

Yohane 10:30

Bata nandibo twaba umo bwaka.”

Imilimo ya batumwa 20:28

Echo mulokuyisunga mwebene nomukuni onse uyo Umupashi Wabuta wamupela ukwangalila. Mube bachembela bamukuni waku Lesa uyo umwine apulwishe mumfwa ya Mwana wakwe.

Imilimo ya batumwa 3:13

Mukuchita mfi Lesa waku Abulahamu, Isake na Yakobe, Lesa wafikolwe fyesu, ewachindamika umupyungi wakwe Yesu. Mwebo mwalimuposele kufipondo fyakwe. Elo mwalimukene napa menso yakwa Pilato panshita Pilato alikufwaya ukumukakula.

Loma 1:25

Balishiile ifyachine ifyaku Lesa nokukonka ifyabufi. Balikulambila nokupyungila ifyo Lesa abumbile muchifulo chaku Kabumba umwine uulingile ukutondayisha umuyayaya. Ameni.

Loma 1:3

Busosa ifya Mwana wakwe, Bashikulu wesu Yesu Klistu. Ukusosa ifyabuntu bwakwe, afyalilwe muchikoto chamfumu Davide.

Loma 10:12

Pakuti tapali ukupusana pa Bayuda nabenafyalo. Shikulu wabo bonse umo bwaka. Alashukisha abo bonse abamupapata.

Loma 11:28

Nomba ukusosa ifya Butumi Bwawama Baisilaeli tupondo twaku Lesa pamulandu wenu. Nomba ukusosa pafyakusalwa, Baisilaeli batemwekwa baku Lesa pamulandu wafikolwe fyabo.

1 Kolinto 14:16

Nga mukotota Lesa nomutima wenu wenka, nga umuntu uuli namwe pamo uutayishibapo ifyamumutima wenu, angasosa shani ati, “Ameni” pakulomba kwenu ukwakutotela Lesa ulo ye teshibilepo ifyo mukososa?

2 Kolinto 11:31

Lesa, Wishi waku Bashikulu wesu Yesu, uwo tulingile ukutondayisha inshita shonse, alishibile ukwebati nshikobepapo.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.

1 Timoti 6:15

Panshita ilingile Lesa akwisa kutulanga uyo uwashuka ukotungulula enka, Imfumu iyashamfumu, nakambi Shikulu waba shikulu bonse.

2 Timoti 2:8

Languluka Yesu Klistu uyo uwabushiwe kubafwa, uwamukowa wakwa Davide, ukubati nimulya nshimika mu Butumi Bwawama.

Hebele 7:24

Nomba Yesu wamuyayaya. Elo buchipupila bwakwe tabupilibukapo.

1 Yohane 5:20

Twalishiba ukuti Umwana waku Lesa alishile nokutupela amano yakwishiba Lesa wachine. Ekuti nomba twaba muli Lesa ngu, pamo namu Mwana wakwe Yesu Klistu. Ngu e Lesa wachine nakambi ebumi butashilapo.

Ukufisulula 1:18

Nine uyo uuli nobumi. Nalifwile, kuntu nomba ndi nobumi umuyayaya. Ndikwete ifiso pamfwa elo napachalo chabafwa.

Ukufisulula 22:16

“Ninebo Yesu uutumine umungelo wanji ukuti abilishe ifintu mfi kuli mwe ifyakuchilonganino. Nebo ndiwamukowa wakwa Davide. Nine intandala isanika yakumatanda-cha.”

Ukufisulula 22:20

Uyo uukopela bukamboni kumashiwi nga akoti, “Ina, nkoyisa bwangu.” Ameni. Iseni Bashikulu Yesu!

Ukufisulula 5:14

Ifyabumi fine fyalyasukile ati, “Ameni.” Penkapo bachilolo balifukeme panshi nokulambila.