Loma 9:30 - Chipangano Chabwangu

³⁰ Nomba findo twakusosa? Abenafyalo tabalikufwayilisha ubulungami bwaku Lesa, kuntu Lesa alibabona nga abalungama ukupitila mukuchetekela kwabo.

Loma 9:30 ပူးပေါင်းရင်းမြစ်များ

Loma 10:10

Pakuti nikuchichetekelo eko tulungamikilwamo na Lesa. Elo nimukuyisosela eko tupulushiwa.

Loma 10:20

Esaya akoebesha ulo akososa ati, “Nebo nalisangilwe nabantu, abo abatali kumfwayapo. Nalibwenekele kubantu, abo abatali kunkonsha uko ndi.”

Loma 10:6

Nomba ifisosa Amalembo ukulingana nefyo Lesa alungamikilamo abantu kupitila muchichetekelo nimfi ifikoti, “Wilokuyifumba wenka ati, ‘Mba ninani wingakwela kumulu?’ (Ekwebati ukuleta Klistu panonshi.)

Loma 3:5

Findo ifyakuchitikapo kati ububi bwesu bulanga ukuti Lesa aba uwalungama? Napo twingasosa ati Lesa taba bwino ulo atupela umulandu? (Nkososa nchi mukabelo kabuntu.)

Loma 4:11

Abulahamu alishilimunwa panuma ukuti chibe ichishibilo ichakulanga ukuti Lesa amubwene uwalungama pakuchetekela kwakwe. Nomba Abulahamu ewishibo bonse abachetekela Lesa, na Lesa alabapokelela nga abalungama nangula tabashilimunwapo.

Loma 4:13

Ulo Lesa alayile Abulahamu nabana bakwe ukuti chalo chonse chakuba chabo, chalichitikilwe. Nomba tepamulandu wakweba ati Abulahamu asungile Amafunde. Nipamulandu wakuti achetekele Lesa, elo amulungamikile.

Loma 4:22

Echo Abulahamu, ukupitila muchichetekelo, Lesa, “Amubwene nga mulungami.”

Loma 4:9

Napo ishuko ndi lyaba kubashilimunwa benka nangula lyaba nakubatashilimunwa? Iyowo, lyaba nakubatashilimunwapo. Kubati nimfilya Amalembo Apatulika akososa ayo tusoselepo kale akoti, “Abulahamu achetekele Lesa. Elo pamulandu wachichetekelo chakwe, Lesa alimupokelele nga uwalungama.”

Loma 5:1

Nomba pakuti Lesa atulungamika ukupitila muchichetekelo, tuli nomutende na Lesa muli Bashikulu Yesu Klistu.

Loma 9:14

Nomba twingasosa shani? Napo Lesa tabapo mulungeme mukuchita mfi? Iyowo, nangu panini!

Loma 9:31

Nomba Abaisilaeli mbalya abalikufwaya kulungamikwa ukupitila mu Mafunde balifililwe.

Galatiya 2:16

Twalishiba ukuti umuntu talungamikwa ukupitila mukulama Amafunde, sembi mukuchetekela muli Yesu Klistu. Nafwebo twachetekele Yesu Klistu ukuti tube abalungamikwa kuli Lesa, temukulamapo Amafunde iyowo. Pakuti Lesa tasosa ukuti umuntu uulama Amafunde ewo alungamika iyowo, pantu tapapo uulungamikwa pamulandu wakulama Amafunde.

Galatiya 3:24

Amafunde ali kubati nintungulushi ukufikila ulo Klistu afikile ukuti tupokelelwe nga abalungama pamenso aku Lesa ukupitila mukuchetekela.

Galatiya 3:8

Elo Amalembo alisosele kabela ukuti Lesa akupokelela abenafyalo nga abalungama ukupitila muchichetekelo chabo. Echo Lesa aebele Abulahamu Ubutumi Bwawama kabela ati, “Ukupitila muli webo, Lesa akushukisha imitundu yonse.”

Galatiya 5:5

Nomba kuli fwebo, pakuti twalipokelela Umupashi Wabuta, tukololela ukuti Lesa akatupokelela nga abalungama ukupitila mukuchetekela.

Efeso 2:12

Nomba langulukeni ukuti inshita njilya tamwakwetepo Klistu. Mwali abenafyalo abatalipo abantu abasalwa na Lesa. Tamwakwetepo ulubali muli mfilya Lesa asuminishe nokulaya abantu bakwe. Mwalikele muchalo ukwambula ichakulindilila, ukwambula Lesa.

Filipi 3:9

nokusangwa muli Ye. Nshikoyilangulukapo ukuti ndimulungami pakulama Amafunde iyowo, kuntu ukulungamikwa kwanji kufuma mukuchetekela Klistu, nku kufuma kuli Lesa ukwayimakana pachichetekelo.

1 Timoti 6:11

Webo we muntu waku Lesa ulokufitina fyonse mfi. Ulokwesha ukuba nobumi ubwakaele, ubwakuchinshika Lesa, ubwakuchetekela, ubwakutemwa, ubwakushipikisha nobwakuyichefya.

Hebele 11:7

Muchichetekelo Nowa alipokelele ubuchenjesho bwaku Lesa ubusosa pafintu ifyali kwisa ifyo atalikubonapo. Alipangile chibwato ukuti ye nabamulupwa lwakwe bapulukilemo. Pakuchita nchi Nowa alishinine abantu bapanonshi nokupokelela amashuko awo Lesa apela abantu bonse abamusekesha.

1 Petulo 4:3

Pakuba akale mwaposele inshita mukwikala mumichitile iyo abatachetekela Lesa bafwaya ukuchita. Mwalikwenda mubusali, mulunkumbwa ulubi, mubuchakolwa, mubukabundulu, mufitala fyapabwalwa nokulomba tungosa wakubasa utwamuselu.