Loma 9:24 - Chipangano Chabwangu

²⁴ Nifwe abo Lesa ayitile, tekufumapo ku Bayuda benka iyowo, kuntu nakubenafyalo.

Loma 9:24 ပူးပေါင်းရင်းမြစ်များ

Imilimo ya batumwa 15:14

Simoni Petulo alishilile ukusosa mpa ifyo Lesa alangile abenafyalo ukuti alabasakamana ukupitila mukusala bambi abaku bo nokubalenga ukuba abantu bakwe.

Loma 10:12

Pakuti tapali ukupusana pa Bayuda nabenafyalo. Shikulu wabo bonse umo bwaka. Alashukisha abo bonse abamupapata.

1 Kolinto 1:9

Lesa wachishinka. Elo Ye ewamwitile ukwebati muwikishanye pamo no Mwana wakwe Yesu Klistu, Bashikulu wesu.

Galatiya 3:28

Echo tapapo ubupusano pakati ka Bayuda nabenafyalo, abasha nabali mubwanalale, abalalume nabanakashi, pakuti bonse bali umo muli Klistu Yesu.

Kolose 3:11

Mubumi mbu tapapo ubupusano pakati ka Bayuda nabenafyalo, uwashilimunwa nangu uutashilimunwapo, abatasambilila, bankalwe, abasha nangu ababwanalale, kuntu ichikulu ni Klistu uwaba muli bonse.

Hebele 3:1

Mwe bawesu, muli baku Lesa pakuti alimwita namwebo ukuba nobumi bwakumulu. Langulukeni bwino ifyaku Yesu uyo Lesa atumine ukuti abe Chipupila Mukulu uwachichetekelo nchilya twasumina.

1 Petulo 5:10

Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.

Ukufisulula 19:9

Penkapo umungelo alisosele kuli nebo ati, “Lemba amashiwi nga: Balishuka bantu abetwa kukusefya kuchupo cha Mwana wambelele.” Nakambi umungelo ati, “Nga mashiwi yaku Lesa ayachine.”