Loma 9:22 - Chipangano Chabwangu

²² Emfi Lesa achita. Nangu afwayile ukubachusha mubukali bwakwe nokubalanga ifiso fyakwe kuntu abakwatile inkumbu. Akwete ukushipikisha pali bo abali nokumfwa ubukali bwakwe.

Loma 9:22 ပူးပေါင်းရင်းမြစ်များ

Loma 1:18

Ubukali bwaku Lesa bukofisuluka ukufuma kumulu. Akokalipila abantu pamulandu wakubifya kwabo nokutamuchinshika. Mukubifya kwabo, bashimayisha ichine ukwebati chiyishibikwapo.

Loma 9:17

Echo Amalembo alabila kuli Falo, imfumu yaku Ijipiti ati, “Nalikubika pabufumu pamulandu wakuti mboneshe ifiso fyanji, nokuti ishina lyanji lishibikwe mpanga yonse.

Loma 9:20

Mba webo, umuntu bwaka, niwe nani ukuti ulokuchita ifikansa na Lesa? Napo inongo kuti yasosa kuwayibumbile ati, “Mba mulandu ndo wamumbile mfi?”

Loma 9:21

Napo uubumba inongo takwetepo ifiso ifyakubumba ukufuma kwibumba limo ilyeloba inongo shibili: imo iiweme, elo nayimbi iyabwaka?

1 Tesalonika 2:16

Bo balikutukanya ukubilisha Ubutumi Bwawama kubenafyalo ukuti bapuluke. Mukuchita mfi bakoyilundilapo amabifyo abo, nobukali bwaku Lesa nomba bulifikile pali bo.

1 Tesalonika 5:9

Pakuti Lesa tatusalile ukuti tuchule kubukali bwakwe, kuntu ukwebati tupuluke ukupitila muli Bashikulu Yesu Klistu.

2 Timoti 2:20

Nomba munanda ikulu mwaba imbale ishipusene-pusene. Shimbi shagolide, shimbi shasilubale, shimbi shafiti, shimbi shakubumba. Elo shimbi shibomfewa panshita yayibela, kuntu shimbi inshita shonse.

1 Petulo 2:8

Amalembo asosa nakambi ati, “Elyayishile kuba libwe lyakuyitutulako, ilyakuwisha abantu.” Balayitutulako pantu tabomfwila Amashiwi aku Lesa nga mfilya Lesa umwine apingwile kabela.

1 Petulo 3:20

Mipashi njilya yabantu abataumfwile ulo Lesa alindilile nomutima wakushipikisha panshita Nowa alikupanga ingalaba. Mungalaba njilya abantu abanono bwaka, basano nabatatu, ebapulukile kumenshi.

2 Petulo 2:3

Mukufwaya ukunonka ububoni, bakunonkelapo pakumweba amashiwi ayabufi. Nomba umulandu wabo balipingwilwe kale, nokonaulwa kwabo kukobalindilila.

2 Petulo 2:9

Nomba Lesa alishibile umwakubapokolwelamo abamulomba ukufuma kumesho. Elo alishibile nokupela umulandu abatalungama ulo bakolindila akasuba kakulekelesha.

2 Petulo 3:15

Mwishibe ukwebati Lesa akoteka umutima pantu akofwaya ukumupulusha. Echo naye Paulo, wesu watemwekwa, amulembele mfi nomulangwe uwo Lesa amupele.

Yuda 1:4

Pantu abantu bambi abatomfwilapo Lesa balinjile mubumfinshi mukati kenu. Mba bakofwaya ukonaula ubwanshi bwaku Lesa wesu ubo twakwata mukuchita ifintu ifyabipisha. Bakokana Yesu Klistu, Imfumu na Kalonga wesu enka. Nakukale Amalembo aku Lesa alisosele ukuti bakupaminwapo.