Loma 9:16 - Chipangano Chabwangu

¹⁶ Epo nomba ichikulu tepo nchilya muntu afwaya nangu ifyo afwaya ukuchita, kuntu nimuchisa chaku Lesa epela.

Loma 9:16 ပူးပေါင်းရင်းမြစ်များ

Mateyo 11:27

“Bata balimpela nebo ifintu fyonse. Takupo nangu umo uwayishiba Umwana, kano Bata benka. Nakambi takupo uwayishiba Bata, kano Umwana enka nabo Umwana asala ukubafisulwilako.

Mateyo 4:8

Nakambi Satana atwite Yesu palupili ulutali nokumulanga amabufumu onse aamuchalo chonse nomuchinshi waako.

Luka 10:21

Pali njilya nshita, Yesu asekelele mu Mupashi Wabuta nokuti, “Bata, mwe Shikulu wakumulu nechalo! Nkomutotela pantu mwalanga mfi ifintu kubatasambilila ifyo mufishile kubamano nabasambilila. Ina, Bata, nchi echo mwatemenwe ukuti chichitikwe mukufwaya kwenu.

Yohane 3:8

Chili munshila imo yenka kuli bo abakofyalwa ku Mupashi Wabuta.” Umwela ulapupa nokuya uko ufwaya. Mwebo mulomfwa ichiunda chauko bwaka, kuntu tamwishibapo uko ufuma noko uya.

Loma 9:11

Nangu ulo bampundu mba tabalafyalwa, ekwebati tabalachitapo ichiweme nangu ichibi ichili chonse, Lesa apekenye ukuti ukusalwa kwamwayiche kufikilishiwe.

Galatiya 2:2

Naliile nku pakuti Lesa ewantumine. Pakulongana ukwabakulu abachilonganino, nalilondolwele bwino-bwino ifya Butumi Bwawama ubo nsambisha kubenafyalo. Nachitile mfi ukwebati imilimo iyo momba kuti yaba iyabwaka.

Efeso 2:8

Pakuba mwalipuluka pamulandu wabwanshi bwaku Lesa pakuchetekela. Tamwapulushiwe pamulandu wafyo mwachitile iyowo, kuntu bupe bwaku Lesa.

Filipi 2:13

Pakuba Lesa eubombela muli mwebo ukuti mufwaye nokuchita ifimusekesha Ye.

Yemusi 1:18

Pamulandu uwakutemwa kwakwe umwine, alitupela ubumi ukupitila mumashiwi akwe ayachine ukwebati pali fyonse ifyo alengele, fwebo tube kubati abakwamba.